IGIHE

Umuntu wa 34 yishwe na Coronavirus mu Rwanda

0 16-10-2020 - saa 21:49, Ishimwe Israel

Minisiteri y’Ubuzima yatangaje ko umuntu wa 34 yahitanywe n’icyorezo cya COVID-19 mu Rwanda mu gihe abarwayi bashya babonetse ari 12 mu bipimo 3450 byafashwe.

Minisante yatangaje ko uwitabye Imana kuri uyu wa Gatanu ari umugabo w’imyaka 39.

Abantu 12 basanzwemo ubwandu bwa COVID-19 iterwa n’agakoko gashya ka Coronavirus kuri uyu wa 16 Ukwakira 2020 bakuwe mu bice bitandukanye birimo Umujyi wa Kigali hakuwe batatu mu gihe i Karongi hasanzwe icyenda mu bapimwe mu nkambi y’impunzi.

Kuva umurwayi wa mbere wa Coronavirus agaragaye mu Rwanda hamaze gufatwa ibipimo 530 304 byasanzwemo 4965 banduye. Muri bo 4664 barasezerewe mu bitaro no mu ngo bakurikiranirwamo nyuma yo gupimwa bagasangwa nta bwandu bagifite mu mibiri yabo mu gihe 267 aribo bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza