IGIHE

Inkuru nziza ku bakenera kujya kwivuriza indwara zikomeye mu bihugu birimo u Buhinde

2 7-11-2019 - saa 10:55, Akayezu Jean de Dieu

Abanyarwanda barwaye indwara zirimo impyiko, kanseri n’izindi zigoye kubonerwa ubuvuzi mu Karere bashyiriweho uburyo bwo kujya kwivuriza mu bitaro byo mu bihugu birimo u Buhinde, Turikiya n’ahandi hirya no hino ku Isi.

Byatangajwe n’Ubuyobozi bw’Ikigo TASS Ltd [Travel Abroad Solution &Services], gikora ibijyanye no gushakira ibitaro abarwayi bo mu Rwanda bashaka kujya kwivuza mu mahanga, gushakira abanyeshuri amashuri yo mu mahanga, ubukerarugendo n’ibindi.

Iki kigo gikorana n’ibitaro bikomeye byo mu Buhinde birimo Narayana Health, Apollo Hospitals n’ibindi bitaro bikomeye muri iki gihugu. Gitunze inzobere mu buvuzi bw’indwara zitandukanye aho ugiye kwivurizayo asangayo abantu bamufasha kuva ku kibuga cy’indege kugeza igihe azagarukira amaze kwivuza neza. TASS Ltd ikorana kandi n’ibitaro byo mu bindi bihugu birimo Turikiya.

Ibisabwa kugira ngo umurwayi afashwe n’iki kigo ni ukuzana raporo ya muganga, hanyuma ikohererezwa inzobere zo mu gihugu azavurizwamo nyuma abo baganga bakohereza ibizakorerwa uwo murwayi akabona gufata indege yerekezayo.

Umuyobozi Mukuru wa TASS Ltd, Mugume Elia yabwiye IGIHE ko bafite umwihariko w’uko ibitaro cyangwa abaganga bakorana nabo ari abantu baziranye kandi bazi ubushobozi bwabo ku buryo iyo boherejeyo umuntu baba bizeye niba koko arabona ubuvuzi akeneye.

Yakomeje agira ati “Umwihariko wacu ni uko ibitaro dukorana nabyo turabizi, tuzi ubushobozi bafite ntabwo ari bimwe byo kuvuga ngo baje hano kudushaka dusinyane amasezerano yo kujya tuboherereza abarwayi.”

Yavuze ko nko mu gihugu cy’u Buhinde hariyo abanyarwanda bakorana na TASS Ltd aho iyo hari ugiye kwivurizayo bamwakira bakamuba hafi bakajya babasura ku buryo nk’umunyarwanda cyangwa uwo mu karere ugiye kwivurizayo ahabwa serivisi nziza.

Imibare y’iki kigo igaragaza ko uko abantu bagenda bamenya serivisi batanga bagenda bitabira kubagana aho nibura mu myaka ibiri ishize bamaze gufasha mu kujya kwivuza abagera ku 150, aho bagenda biyongeraho 4% ku mwaka ugereranyije n’uko byari bimeze ubwo batangiraga.

Ubuyobozi bw’ikigo TASS Ltd butangaza kandi ko uretse ubu buryo bwo kohereza abarwaye indwara zitandukanye kwivuriza hanze, banafite uburyo bubaho buri mwaka bwo kuzana abaganga bo muri ibi bihugu bakaza gusuzuma no kuvura abantu mu Rwanda.

Iki kigo gifasha kandi abantu muri serivisi zitandukanye zirimo gushakira amashuri makuru na za kaminuza abanyarwanda bifuza kujya kwiga mu mahanga, gifasha kandi mu gushakira za visa n’ibindi bikorwa birimo ibijyanye n’ubukerarugendo no gukodesha imodoka.

Uwakenera ibindi bisonaburo yifuza kugana TASS Ltd yabahamagara kuri telefone igendanwa : +(250) 78-838-0606 /:+(250) 78-831-5311 cyangwa akabandikira ubutumwa kuri Email: [email protected]/ [email protected] cyangwa ukabasura ku rubuga rwabo arirwo www.tass5.co.rw

Abaganga b'inzobere bakorana na TASS Ltd ari nabo bafasha abarwayi babagana
Aha umuyobozi wa TASS Ltd yari i Cairo mu Misiri yagiye kureba imikorere ya bimwe mu bitaro bakorana
Imibare y’iki kigo igaragaza ko uko abantu bagenda bamenya serivisi batanga bagenda bitabira kubagana aho nibura mu myaka ibiri ishize bamaze gufasha mu kujya kwivuza abagera ku 150
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Moreen 2019-11-08 03:05:31

Ndumva nta kidasanzwe keretse iyo muba muzanye ibikoresho mu Rwanda,abana b’ u Rwanda tukivuriza i wacu cyane ko rwose iyo hagize ufatwa ni zo ndwara mwavuze hejuru abahuye ni ikibazo gikomeye kubera nta bushobozi bwo kwivuza,amatike ajya iyo mubuhinde mbese ntibiba byoroshye,naho nimba bikiri ukujya mu buhinde nta kidasanzwe ndumva ntacyo mudohoye nu bundi udafite amafaranga azakomeza ababazwe nu umubiri.

Murakoze Murakarama!!!!!

2
Mabokko 2019-11-07 06:33:18

Nari ngize ngo bazanye ibikoresho byabo mu Rwanda dore ko inyubako zo tuzifitiye! Ibyo byo ni ibisanzwe nutabasangayo yakwivuza ikibazo ni cash

Kwamamaza