IGIHE

U Rwanda mu bihugu byoroherejwe kwishyura inguzanyo nyinshi na IMF

0 14-04-2021 - saa 15:35, Umwali Zhuri

Ibihugu birimo u Rwanda na Tanzania ni bimwe mu biri kungukira ku buryo bwo koroherezwa kwishyura inguzanyo binyuze muri miliyoni 142.7 $ zatanzwe n’Ikigega Mpuzamahanga cy’Imari, IMF.

Mu Cyumweru gishize, IMF yemeje icyiciro cya gatatu cy’uburyo bwo koroherezwa kwishyura inguzanyo ku bihugu 28 by’ibinyamuryango binyuze muri gahunda yitwa Catastrophe Containment and Relief Trust (CCRT), yashyizweho n’iki kigega nk’uburyo bwo gufasha no korohereza kwishyura inguzanyo ibihugu bikennye hamwe n’ibyibasiwe n’ibiza cyo kimwe n’ibyorezo bikomeye.

U Rwanda ni igihugu cyo mu Karere gifite inguzanyo iri hejuru kiri koroherezwa kwishyura kuko iri kuri miliyoni 71,23 $ rukurikiwe na Tanzania ifite miliyoni 26,43 $. U Burundi ni ubwa gatatu kuri miliyoni 25,42 $ mu gihe Ethiopia yo inguzanyo yayo ari miliyoni 19,71$.

Kenya, Sudani y’Epfo na Uganda ntabwo biri mu bihugu 28 byatoranyijwe muri iyi gahunda yo koroherezwa kwishyura inguzanyo.

Inguzanyo zose hamwe IMF yafashije ibihugu mu kubyorohereza kuzishyura kuva muri Mata kugera Ukwakira uyu mwaka, zingana na miliyoni 238 $.

Ubu buryo bushobora no gukomeza mu mwaka utaha, aho guhera mu Ukwakira kugera muri Mata, ibihugu na none bizafashwa, aho icyo gihe inguzanyo zaba zingana na miliyoni 964$.

Nibura mu mezi 12 kugera muri Mata 2022, u Rwanda ruzoroherezwa kwishyura nibura miliyoni 42,76 $ bitewe n’uburyo icyorezo cya Covid-19 cyagize ingaruka ku bukungu bwarwo, bugahungabana mu ngeri zose.

U Rwanda ruri mu bihugu biri koroherezwa kwishyura inguzanyo rwafashe]
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza