IGIHE

FPR: Igihe cy’ibazwa cyageze

34 29-06-2020 - saa 18:17, Gatete Nyiringabo Ruhumuliza

Ku wa Gatanu ushize, ku bwanjye wari umunsi w’impinduka mu buzima bwa FPR Inkotanyi. Benshi muri twe twari bato mu gihe cy’inama za Kicukiro I n’iya II mu 1996-1997, zaharuye inzira y’imiyoborere ya FPR y’ubu. Nyuma y’uru rugendo, birasa n’aho igihe kigeze cyo kuvugurura moteri no kuminjira agafu mu muhate w’Abakada ku bitekerezo bikwiye kubaranga.

Mu buryo bwa FPR, buciye mu mucyo kandi budaca ku ruhande, busa na Gacaca ya kera, abakekwaho gusahura ibya rubanda bagaragajwe imbere y’abandi, bahatwa ibibazo, baranengwa mu gihe iperereza ku byaha rigomba gukurikiraho. Urubyiruko rwari rwatumiwe kugira ngo rwihere ijisho ndetse rutozwe kwitandukanya n’ibikorwa bidahwitse by’abakada bakuru.

Umugenzuzi Mukuru w’Imari ya Leta, Obadiah Biraro, kera kabaye yabonye umwanya yifuzaga. Nyuma y’igihe kinini asa n’ubwiririza mu butayu, birasa n’aho uyu mugabo wihanganye igihe kinini, yari afite ibimenyetso byose, ategereje umunsi ubwo azahamagazwa ngo agaragaze ibyo agombwa, maze kera kabaye ati “amazina ari ku mugereka wa 3-A na B ku ipaji ya 167’.

Ni uko yavuze ikibazo kimwe aho bigaragara ko yari afite ibimenyetso byose mu mutwe. Ndatekereza ko itsinda ryo mu Biro by’Umugenzuzi Mukuru w’Imari ya Leta rizaba naryo riri muri RIB rifasha kugira ngo abagenzacyaha banyure muri raporo yose bemeza ibirego.

Ku nshuro ya mbere, inama yarangiye abakekwaho ibyaha basabwe kwitaba RIB umunsi ukurikiyeho abandi bagahita bafungwa ako kanya cyangwa se ku wa Mbere, kugira ngo wenda nibura babashe gusangira ifunguro ry’umugoroba n’inshuti n’umuryango. Abandi barihanangirijwe ariko ibyabo ntibyarangiye. Kuri buri ngingo y’ikiganiro, Perezida yasabaga Minisitiri w’Ubutabera ibitekerezo kugira ngo yumve icyo amategeko ateganya.

Imikorere y’u Rwanda ntawavuga ko ari nta makemwa, ariko ni imwe ya hake ku Isi aho kubazwa inshingano mu buyobozi bwo hejuru muri Guverinoma ari ihame. Mu bihugu bimwe, kwigarurira igihugu niryo hame.

Ba Minisitiri, abakuru ba za Guverinoma n’abayobozi bakuru bemererwa kurangiza manda zabo, bakiyamamaza hanyuma bagatsinda izindi, nyuma bakajya mu kiruhuko amahoro bajyanye ku mutwe wabo ibirego bitabarika byo kunyereza umutungo, inshuro nke akaba aribwo bagaragara imbere y’urukiko babiryozwa.

Mu byumweru bibiri bishize, urukiko rwo mu gihugu cyo mu Burengerazuba bw’Isi rwahishuye ihurizo riri mu gukurikirana uwahoze ari Umukuru w’Igihugu. Uwahoze ari Minisitiri w’Intebe we yafashwe aha umugore we amafaranga y’umutungo wa leta, ntiyigeze afungwa cyangwa ngo akurikiranwe; hafi aho kandi urubanza rw’uwahoze ari Umuyobozi w’Ibiro by’Umukuru w’Igihugu rwerekanywe kuri televiziyo, abaturage bose bagwa mu kantu.

Gusa mu Rwanda ho, ba minisitiri, guverineri, abayobozi b’inzego, abasirikare n’abayobozi ba polisi, bakorwaho iperereza mu buryo buhoraho, bagahindurwa cyangwa bakirukanwa. Abakozi ba leta barabizi ko bagomba gukurikiza amategeko mu gihe batanga isoko ku muntu runaka, ko basinyana imihigo na Perezida ndetse ko bagaragaza umutungo wabo ku Muvunyi buri mwaka.

Kuki bikorwa? Nk’uko Perezida yabivuze, u Rwanda ni igihugu kidakora ku nyanja, gituwe cyane ariko gifite umutungo kamere muke. Ntidushobora kwihanganira gukora nk’aho turi igihugu gikize, tugomba gukoresha neza umutungo rusange, nta kubirengaho. Ubirebeye muri uwo mujyo, kunyereza umutungo ntabwo ari icyaha gusa, ni igikorwa cyo kwiyanga.

Mu nkuru ifite umutwe ugira uti “Umugabo uhamye wubaka inzego zikomeye muri sosiyete ijegajega” ndetse no mu gitabo cyitwa “Transforming Rwanda”, umwanditsi Jean Paul Kimonyo asobanura ingorane zimaze imyaka 20, FPR na Chairman wayo byabaye ngombwa ko banyuramo mu kurwanya ruswa, mbere na mbere muri uyu muryango hanyuma no mu gihugu. Anavugamo ko abanzi bavutse biturutse kuri izo ngorane. Abahoze ari abayobozi bahunze birukanywe kubera ruswa, babwira abanyamahanga ko mu Rwanda gukorera mu mucyo bibuza kwishyira ukizana. Mu by’ukuri, bari kugaragaza imiterere yabo.

Ikindi kandi ibimenyetso birivugira: Ku buyobozi bwa Kagame, u Rwanda ruza mu bihugu bya mbere mu bipimo byo kurwanya ruswa muri Afurika ndetse no muri Guverinoma ziyobowe neza nyuma y’u Busuwisi, Denmark na Suède kandi mu gihe rudafite peteroli na zahabu, ubukungu bwarwo bwazamutse ku kigero cya 7% mu myaka 15 ishize, ndetse ni bumwe mu buzamuka cyane ku mugabane.

Reka dushyire imibare ku ruhande, u Rwanda ni igihugu gishyize imbere imibereho myiza aho uburezi n’ubuzima byitabwaho na Guverinoma kandi abatishoboye bagafashwa binyuze mu nkunga z’amafaranga, ibyo kurya, amacumbi, inguzanyo ziciriritse; nk’uko umuhanga mu iterambere ry’ubukungu Sir Paul Collier yabivuze ati “u Rwanda rumaze kugera ku bintu bitatu by’ingenzi biranga iterambere aribyo ubukungu buzamuka cyane, kugabanya ubukene ku muvuduko wo hejuru no kurwanya ubusumbane”.

“Dufite ibyorezo bibiri”, ni ko Perezida yavuze: “COVID-19 na ruswa. Niteguye kurwanya ruswa kandi nizeye gutsinda”. Sheikh Abdoul Karim Harerimana nk’inararibonye, we yagize ati “igihe ni iki, urugendo utangiye ni ingenzi kandi turagushyigikiye”, Perezida amusubiza ati “nzakenera ubufasha bwanyu rwose”.

Birasa n’aho twinjiye mu gihe gishya, igihe cyo kubazwa inshingano. Twagize amahirwe nk’urubyiruko kubona n’amaso yacu ubuyobozi bwiza kandi nta kabuza tuzaba dufite ibisabwa byose mu kubazanya ibitubahirizwa umwe ku wundi. Ikibazo cyo kwibaza, ni niba tuzaba dufite ubunyangamugayo n’icyizere ku buryo tuzakomeza gushikama imyaka n’imyaka nk’uko Perezida wacu yabigenje.

Ku rukuta rwe rwa Instagram mu masaha y’ijoro kuri uwo munsi, Perezida yasobanuriye miliyoni z’urubyiruko rw’abanyafurika rumukurikira:

Ati “Impamvu nshaka ko, twebwe abakada bakuru tuganirira ibi bibazo bikomeye imbere y’urubyiruko ni uko numva ko birufasha kumva neza ahazaza h’igihugu cyacu, ahazaza h’Abanyarwanda hari mu biganza byabo. Mu gihe batize hakiri kare gukosora amakosa yakozwe n’ababanjirije, twebwe, niba bakomeje gukomeza ayo makosa ntibagire impungenge, ahazaza h’iki gihugu hari mu kaga.”

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Dieudonne Hakizayezu 2020-07-14 23:29:01

Vision 2020 niyo deadline FPR yihereye abanyarwanda. Ibyagezweho ni byinshi twabaye aba mbere ku mugabane w’Afrika mu bintu hafi ya byose. Ikindi mushaka n’iki?

2
Serious 2020-07-01 14:08:54

Uyu MUNTU uvuze transport ni umuhanga. N ukuri transport y igihugu niyongera kuyisubiza abanyarwanda azaba aciye agahigo. Gusa n ubwo biri risky, biri riskier cyane igihe twe abaturage twaba tutamushyigikiye. Naho iki gihe turimo ndizera ko ntawutarabonye ibyiza byo kurwanya ruswa ndetse n ingaruka bigira kugihugu muri rusange uhereye ku mishinga idindira ndetse n aho usanga ibikorwa bimwe bya leta byari kugirira akamaro abaturage za MILIYONI bihagarara bikajya mugafuka k umuntu umwe. Umva mbabwire ruswa nimbi k UBURYO umuntu atabisobonurira muri comment. Impine y ibisobanuro byayo ni uko ukwiye kujya ubona ikintu cyose kibi kiriho nk igifitanye isano nayo. Ndetse ukamenya ko igihe cyose ruswa n akarengane byacitee, mumenyeko aricyo gihe cy amata n ubuki tuzaba twiniiyemo. H.E n akomeze y itangire igihugu naho ibyo gutinya urwo rwango rw abo basahuzi bashaka gutuma duhora twijujuta abivemo. Twe abaturage nicyo twamutoreye, nagire rero abikoreho, kandi yirinde abamwongorera bamutera ubwo, nabe intare nya ntare, nkuko lee kwan yu yaghinduye Singapore. Ndizera ko ntawutazarya ku mbuto z UMUSARURO w umukwigomwa incuti ze n umuryango we. Gusa nanone azabikore m ubwenge bwose bushoboka kuko ntawamwoshya ngo ahubuke. Ibanga azakoresha ni iryo yatangije just kubavugira m uruhame, UMUNTU yarengana agasubizwa mukazi kndi nabwo byamuhama agafungwa cg agakora TIG yishyura imitsi YACU. Bityo . Twe rubyiruko turimo turakurikirana politique twicecekeye. Nagume m uruyu murongo yatangije

3
Ngabonzima 2020-07-01 08:07:53

Great thanks to HE Kagame Paul
Mubyukuri ntako atagira ngo ibintu bijye kuburyo ariko bamwe baramuvangira!

Nk umusoro w ubutaka Hari hakwiye kugabanywa rate kuri m2 imwe ahataragenewe ubucuruzi.
Rimwe nabajije umuntu nti ko tubatora ntimutuvugire nawe Ati" wowe watoye nde?" Bivuze ko niyo tutamutora yari bube uwo ariwe!! Hakenewe transparence and accountability muri byose.

Ruswa yo izana ubusumbanr kuburyo bufatika Kandi biragaragara, ikinti transport ibe open competitive, bityo ubusumbane buzagabanuke. Ikibazo cy’ ubuchomeur nacyo kirahangayikishije. Ikiguzi cyo gutangira kwikorera nacyo Kiri hejuru bazabyigeho.

4
Munezero 2020-07-01 06:49:35

Ndabona amazi yararenze inkombe kugirango igihugu cyacu kizagaruke k umurongo. Abitwa abayobozi bamaze amafranga y igihugu kuburyo tuzisanga igihugu cyarabaye ingwate y amadeni. Aya majyambere mubona ni y abantu bake muriki gihugu,abaturage turababaye cyane.

5
Jean Marie 2020-07-01 04:52:17

Rwose igihe cyari kigeze kugirango uru rugendo rwatangijwe na Nyakubahwa Perezida wa Republika rubeho kugirango abantu bumveko umutungo w’igihugu cyacu uboneka uturutse mu cyuya cy’Abanyarwanda n’abanyamahanga bakorera mu Rwanda biciye mu musoro, nta petrol cg minerals dufite. Niyo mpamvu batari bakwiye kumva ko bakwitwaza ububasha n’inshingano ngo bakizwe nibivuye mu cyuya cy’abandi, inkunga cg inguzanyo mu gihe hari abantu bakinywa amazi mabi, badafite umuriro, badafite imihanda, batabasha gufungura kabiri k’umunsi, batabashaka kwishyurira abana amashuri, batabasha kwigurira mituel de santé, batabasha kwizigama nicyabatunga icyumweru kimwe,......Abazahamwa no kunyereza umutungo wa rubanda bazabiryozwe bibere urugero abasigayeho kandi natwe urubyiruko rwaba urwa FPR cg andi mashyaka bituviremo isomo rikomeye ry’uko tugomba kunyurwa nabike tugenewe dushishikajwe n’iterambere ry’umunyarwa wese no kugira igihungu cy’intangarugero kw’Isi. Courage your excellency tukuri inyuma.

6
Kayitesi Immaculée 2020-07-01 04:08:23

Muganga we ibyo kwishyurwa bireke jye iyaba twari twifatanyije tukanndikira Nyakubahwa president wa Republika tukamubaza aho bipfira! Njyewe njyiye gufunga ariko nzafunga mvuye m, URU GWIRO! NJYE MFITE POSTE DESANTE ARIKO UMWAKA UJYIYE GUSHIRA NTA NA FACTURE Y,UKWEZI NISHYUWE UBU BABA BUMVA DUKORA DUTE? N,aho ruswa sinzi inzira bizanyuramo uhawe akazi wese ahita zkabatiza ko yiboneye imbehe! Si aka leta ahibwo fajita kitwa ake! Bariya Bantu bose ni amasiha rusahuzi président nzagerageze ahaaaaa!

7
Dr 2020-07-01 00:47:42

Duhora dufite inyota yo kubona imikorere mibi icika, gusa ni nk’inzozi. Abantu bikwiza ho imitungo ya rubanda. Abayobozi baturya turebera tukabura icyo gukora ngo bahagarikiwe n’abakomeye 😣😣

Uyoboye ibitaro abirya bihagaze , uyoboye ishuri arirya rihagaze, uyoboye umushinga wa leta awumunga bukebuke. Hari abakora nk’IMUNGU pe

RSSB /MUSA
Imikorere yayo yo iracangana. Ubuse imyenda ibereyemo amavuriro ko usanga bigenda bifata intera mbi cyane byo ni ibiki.
Abaganga bahembwa kuburyo bubabaje kubera ibi byose.
Biragoye.

8
Nyirazanazose Rachel 2020-06-30 22:14:00

Birakwiriye kurwanya ruswa nk’urwanya covid-19.His Excellence ndamushyigikiye.ni byiza guhondura ibitekerezo by’urubyorukp hakiri kare bakiga gukoresha ubushobozi buri mu mutwe kuruta uburi mu mufuka.

9
Grace 2020-06-30 21:14:37

Ni byiza pe ariko se uzafunga nde ureke nde koko ! Benshi twabonye ubutegetsi dushonje, kandi kuko tutari twizeye gutinda mu kazi twashatse guca iy’ubusamo.
Mugire umutima wa kibyeyi kandi wubaka .
Nk’uko twashyizeho gacaca , ikarangiza imanza nyinshj cyane mu gihe gito , mushyireho special commission irangize iki kibazo . Abakoze ibyaha babyihane , basubize ibya rubanda, ubundi dukomeze . Nimubikaza cyane , harasigara nde koko ?? Twongere duhunge koko?
Mushishoze cyand, Urwo rubyiruko ntabwo ruzubaka igihugu mu gihe ababyeyi babo bazaba bafunze .

10
Sakega 2020-06-30 21:03:52

Igihe kirageze ngo amategeko yubahirizwe ,Aba bategetsi banyunyuza imitsi y’Abaturage ,barangiza bagahembwa imishahara y’umurengera, ubundi itegeko ryo gusoresha ubutaka ryatowe nande?ikindi Abaminisitiri bo ntibatorwa ,ariko nabandi n’uko commission y’amatora ibashyiraho turabizi tujye tubwizanya ukuri ,umuntu uziko yashyizweho atatowe ntashobora gukora neza .

11
Andre 2020-06-30 05:28:08

Yego

12
Umusaza 2020-06-30 03:23:14

Nashimishijwe n’amagambo akakaye HE yakoresheje ariko kubera iminsi ishize nitegereza ubujura, itonesha, akarengane,... Byimakajwe na benshi mu abayobozi mu nzego hafi ya zose nzagira ikizere ari uko mbonye hari abayobozi baciyeho nyuma y’iri jambo. Mu nzego nyinshi urasanga abakozi neza ari abazi kwibira ba shebuja, abazi guteranya bagenzi babo,.... Ikibabaje usanga nka Mayor ari igisambo wakurikira ugasanga hari umwe cyangwa bamwe mu bamukuriye basangira ibyibano. Igisambo nk’icyo iyo kikanze gufatwa gishaka ibitambo mubo gikoresha cyangwa se abazima mu bakozi kiyobora.
Icyo nemeza ni uko hakenewe imbaraga nyinshi mu kurwanya ubu bujura naho ubundi tuzisanga umuco mwiza w’ubupfura wararangiye Hasigaye ibisambo gusa. Jyewe ubyanditse maze kuva mu kazi inshuro 2 nzira abo nabangamiye mu bujura ariko nabyereka umuyobozi ngasanga ahubwo arijye uri mu makosa kuko mvugira ku busa abo ndega bo bamugeraho bikoreye amibano.

13
Petra 2020-06-30 02:28:21

Bjr nibyiza rwose kuba Chairman afata umwanya agahwitura abo bafatanyije kuyobora igihugu kubijyanye no gucunga umutungo w’igihugu neza, ariko reka nanone turebe ibireba umuryango FPR nyirizina.. Ko twatanze imisanzu mu bihe bigoye tukisuganya tukubaka umuryango, FPR ikaba ifite ibikorwa byinshi bibyara inyungu ni ryari bateganya ko FPR izaba yihagije itagitegereza imisanzu yabanyamuryango ahubwo Secretariat iteganya frw yo gufasha za task force hirya no hino gukora neza. Numvaga aho bigeze bari bakwiye gutangira gahunda yo gusonera bamwe mu banyamuryango batishoboye imisanzu wenda mu gihe iyi gahunda itarigwaho neza imisanzu igatangwa n’abakozi bafite imishahara ihoraho n’abafite ibikorwa by’’ubucuruzi bubyara inyungu nabo kandi ariko abaturage bo mu byiciro byo hasi bagasonerwa ahubwo bakajya bagenerwa ubufasha buvuye mu nyungu z’’ubucuruzi FPR ikora. Numva ibi byatuma abanyamuryango barushaho kwiyumvamo umuryango

14
Jackson 2020-06-30 02:12:51

Nyuma y’imyaka 26, uko système ikora turabizi neza. Byonyine kuva muri Nyakanga 1994 kugeza mu kuboza k’uwo mwaka, ishusho rusange y’icyo abanyarwanda bagombaga kwitega ku mikorere y’ubutegetsi bushya yari yaramaze kugaragara.

15
Meshack 2020-06-30 01:50:04

Nibyo H. E PAUL KAGAME numuyobozi utavugirwamo just because he work on the vision so any one who is not helping by one or two different ways then agomba kuvanwaho gusa nanjye icyampa ngahura na president haricyo namusaba.

16
Muganga 2020-06-30 01:39:35

Turasaba RSSB -CBHI kwishyura amavuriro/ibigonderabuzima/ibitaro. Dore amezi abaye atandatu(6)ubwo ababishinzwe murumva turimo gukora dute?

17
Amrn 2020-06-30 00:34:10

Urakoze H.E turagushimiye kubwakazi udukorera twe intama uragiye kandi tukurinyuma kubwururugamba Murakoze

18
Umunyakigali 2020-06-30 00:06:35

Harakabaho u Rwanda n’abanyarwanda. Kagame ntako atagize, Imana Ijye Imuhora imbere. Mu kinyejana turimo, twagize amahirwe yo kubona umuyobozi muzima.

Mushi we, uribeshya cyane, ubwato buragenda ndetse burihuta cyane. Abasare bazima ni benshi ndetse barakataje. Ubaye uri impumyi ntawabikurenganyiriza. Ubaye warasabitsee n’umutima w’urwango nabyo ntawabikuziza ni indwa y’akaga.

FPR yabaye moteur nyayo kandi ikizarushaho gutuma ikora neza, nu uko ihora yivugurura. FPR oye oye oye.

Rwose abifi binini, akabo kageze, afande azadukurikiranire n’abagiye barenganya abandi, bitwaje imyanya barimo, bagasenya ibyo FPR yubatse.

RIB izadukurikiranire abasore bashinzwe imyubakire mu Mujyi, nabo bazonze abanyamujyi.

19
Rukara 2020-06-30 00:04:40

Igihe.com, murebe icyo gitekerezo cya Dusenge cyane cyane interuro ze eshatu za mbere. Mugire icyo mugikoraho. Murakoze

20
Mbwiraabumva 2020-06-29 23:59:42

John sti u Rwanda rushyirwa mu myanya ta mbere kweli!!!!!! Ikiremwa muntu se muvandimwe duhagaze hehe????
Ejo kanaka yabuliwe irengero?
Buli munsi twatoraguye imirambo???

21
Jean Paul 2020-06-29 22:43:12

Umuntu wirundanyaho ubutunzi bw’amahugu ni nk’inkware ibundikira amagi itateye. Ubwo butunzi buzamusiga agabanijemo kabiri iminsi yo kubaho kwe, hanyuma azaba umupfapfa.
(Yeremiya 17:11)

Our H.E komereza aho kuko n’Imana yanga urunuka abarya ibyo bataruhiye.

22
Kpatrick 2020-06-29 22:29:57

Arabeshya Paul K nawe azagaragariza abanyarwanda aho yajuye million zirenga 500$ z amadorali mu gihe cy imyaka 20 umushahara we urazwi n umuryango we si umucuruzi ngo bimenyekane.

23
BravoDeDieuv 2020-06-29 21:50:31

Uyu MUNTU uvuze transport ni umuhanga. N ukuri transport y igihugu niyongera kuyisubiza abanyarwanda azaba aciye agahigo. Gusa n ubwo biri risky, biri riskier cyane igihe twe abaturage twaba tutamushyigikiye. Naho iki gihe turimo ndizera ko ntawutarabonye ibyiza byo kurwanya ruswa ndetse n ingaruka bigira kugihugu muri rusange uhereye ku mishinga idindira ndetse n aho usanga ibikorwa bimwe bya leta byari kugirira akamaro abaturage za MILIYONI bihagarara bikajya mugafuka k umuntu umwe. Umva mbabwire ruswa nimbi k UBURYO umuntu atabisobonurira muri comment. Impine y ibisobanuro byayo ni uko ukwiye kujya ubona ikintu cyose kibi kiriho nk igifitanye isano nayo. Ndetse ukamenya ko igihe cyose ruswa n akarengane byacitee, mumenyeko aricyo gihe cy amata n ubuki tuzaba twiniiyemo. H.E n akomeze y itangire igihugu naho ibyo gutinya urwo rwango rw abo basahuzi bashaka gutuma duhora twijujuta abivemo. Twe abaturage nicyo twamutoreye, nagire rero abikoreho, kandi yirinde abamwongorera bamutera ubwo, nabe intare nya ntare, nkuko lee kwan yu yaghinduye Singapore. Ndizera ko ntawutazarya ku mbuto z UMUSARURO w umukwigomwa incuti ze n umuryango we. Gusa nanone azabikore m ubwenge bwose bushoboka kuko ntawamwoshya ngo ahubuke. Ibanga azakoresha ni iryo yatangije just kubavugira m uruhame, UMUNTU yarengana agasubizwa mukazi kndi nabwo byamuhama agafungwa cg agakora TIG yishyura imitsi YACU. Bityo . Twe rubyiruko turimo turakurikirana politique twicecekeye. Nagume m uruyu murongo yatangije

24
Arias rubavu 2020-06-29 21:14:58

Ndashimira chairman Paul we,indangagaciro ze.Koko icyorezo kiri kubayobozi ni covid19 iyogoje isi n’uRwanda byumwihariko ,ikindi gikurikiyeho ni Ruswa yogogoje mu nzego PE.

25
Idea 2020-06-29 16:21:44

Ibi H.E Atangiye ndabishimye cyane hubwo ni ukumusengera kuko guhiga ibifi binini harimo risk nyinci byanamuhitana yewe ! azarebe no muri Transport y Igihugu harimo monopoly iteye ubwoba kdi yagakwiye gutunga abanya Rwanda benci

26
John 2020-06-29 16:13:00

Mushi, aho uribeshya rwose kuko uwo Musare utareba ko akora umurimo we neza URwanda rwirirwa rushyirwa mu myanya ya mbere ku isi , urabiterwa n’urwango rutazagira aho rukugeza! H.E wacu turagushyikiye mu gutunganya icyi gihugu!

27
Mbabaxi 2020-06-29 15:47:43

Thanks to our President for your effort and character!! So inspiring to younger generations!! But, Mr President, is it not high time your Good Office starts considering new blood, instead of shifting caders who have served the country for long ( and geopardize the chances through embezzlement and other crimes)?! I am much concerned ...

Thanks

28
Kabanda 2020-06-29 15:28:16

Ariko abantu mujya munsetsa, igihe mwavugiye Ibifi binini ntago irijambo murariruha, jye ndimwe nakicecekera, mujye mureka birire imari ya leta, nubundi ko Leta ari abaturage, nukuvuga ngo baba bari kwisubiza ibyabo, hhhhhhhh.

29
Dusenge 2020-06-29 15:26:14

Murakoze igihe ariko namwe mujye mureba ibitekerezo twatanze munafashe HE gushyira ahagaragara ibibazo aho biri kuko nawe si Imana ngo ararebera hose icyarimwe kdi tuba twaberetse ibibazo bihari! Ni ukuri hari abavangavangira HE bitwaje FPR!Muzakore iperereza ryimbitse kuri Nyamasheke n’iyirukanwa ry’abayobozi baho n’imikorere y’uwitwa Kamatari na coordinator wa dasso ku karere niho muzamenya ukuri ku bavangira Ubuyobozi kdi ikibabaje hari abayobozi baba babizi batanabishyigikiye ariko bemera akarengane na ruswa

30
Kuza 2020-06-29 14:17:33

Habazwa iki?

31
Sebihe 2020-06-29 13:40:27

Ibi bizakemuka igihe ubucamanza buzaba bukora neza ,ni igihe abayobozi benshi bazaba batorwa n’Abaturage ,Abaminisitiri bakora nabi bakegura Bose hamwe na Minisitiri w’intebe ,igihe inteko itazajya inyurwa burigihe 100% ,ukagirango iyo Minisitiri yaje aba yaje kubategeka ,bitabaye ibyo ’no change ’bazakomeza birire.

32
che 2020-06-29 13:08:19

Yego nukuri ibi byari bikwiye, kuko kunyereza akayabo byari bigiye Kuba umuco, ni byiza ko twirinda gusahura igihugu rwose.

33
Karenzi 2020-06-29 12:12:25

Igihe murakoze kuri iyi nkuru kandi turahamya ko hari byinshi byakozwe mu kurwanya ruswa ntan’utabibona. Gusa birasaba kutirara no kuca ikigare cy’ibifi binini bimaze igihe kinini byiba ibya rubanda ubu bikaba byarabyaye byaranuzukuruje muri uwo mwuga. Hagomba rero imbaraga zidasanzwe mu buryo buri consistent nk’igihe cy’imyaka 2 kugirango ibyo bifi na ring y’ubujura byashyizeho ibashe gucika. Nta kujijinganya kwakagombye kubaho kuko habayeho gutindiganya gato tuzisanga mu mwobo ugoye kuwuvamo w’ubumafia.

34
Mushi 2020-06-29 11:34:31

Iyi nkuru nibitekerezo biyikubiyemo nibyiza gusa ntabwo wahinduranya abagashyi 4,5,10 ubwato bwawe bugenda bufata umuhengeri cyangwa bugenda butana ntiwibaze impamvu umusare we ataba ikibazo.

Kwamamaza