Restaurant Veni Vidi imaze kumenyekana kubera serivisi nziza n’ibiciro bibereye buri wese by’amafunguro yuje intungamubiri n’ibinyobwa bimara icyaka, yafunguye ishami mu Mujyi wa Kigali rwagati.

Ni ishami rishya ry’iyi restaurant riherereye muri Quartier Commercial mu nyubako yitwa Ndaru Arcade 1.

Umuyobozi wa Veni Vidi, Mwamini Delphine, yatangarije IGIHE ko babikoze bashaka kwegera abandi bakiliya babo bagorwaga no kugera aho bari basanzwe bakorera.

Ati “Twahisemo kwegereza serivisi zacu abakiliya. Twashyizeho ibindi bintu bishya by’akarusho. Icyatumye tubikora ni ukugira ngo twegere abakiliya bo muri ibi bice byo mu mujyi hepfo.”

Yavuze ko umwihariko w’Ishami rishya rya Veni Vidi ni uko bafitemo ibinyobwa byiganjemo amata, Thé vert n’ibindi binyobwa byoroheje.

Izina ry’iyi restaurant ‘Veni Vidi’ riri mu Kilatini, ugenekereje mu Kinyarwanda bivuze ngo “Ngwino Urebe”, ribishimangira, ifite byinshi yihariye izindi restaurant zidafite bituma uwayigannye ayivuga imyato.

Veni Vidi ifite umwihariko, uretse amafunguro ya Kinyarwanda Veni Vidi inategura ubugari busanzwe, kawunga, umunyigi, ukaba ushobora kubifatisha inyama y’inkoko, izisanzwe, iz’umwijima, ifi, isambaza cyangwa ikindi kikunogeye.

Ibi byose kandi biba biteguye ku buryo nta ngaruka bishobora kugira ku buzima, kuko hakoreshwa amavuta make kandi n’aho bishoboka ntibayashyiremo.

Veni Vidi inakorera ahantu hisanzuye hari amahumbezi, ku buryo uwahafatiye amafunguro adashobora kubuzwa amahwemo n’ubushyuhe.

Restaurant Veni Vidi yari isanzwe iherereye ku muhanda wagizwe uw’abanyamaguru uzwi nka Car Free Zone impande ya KCB Bank, ahateganye neza na Camellia Tea House.

Ukeneye ibindi bisobanuro cyangwa ushaka gusaba gutegurirwa ibyo ukeneye (commande) wabahamagara kuri nimero 0788 595 685.

Amafoto: Muhizi Serge


Kwamamaza

2009 - 2020 ©. All rights reserved