Kuri uyu wa Gatanu tariki 28 Gicurasi 2021, Ubuyobozi bwa Canal+ Rwanda bwamurikiye abafatanyabikorwa ‘Promotion’ bwageneye amahoteli atandukanye binyuze mu ishami rya Canal+ Business, aho uwifuza gushyira Canal+ muri Hotel ye, ikigo cyangwa ahandi hari amacumbi y’abantu benshi, ahabwa ibikoresho byose ku buntu ndetse akanahabwa umutekinisiye w’ubuntu.

Iki gikorwa cyabereye kuri Canal Olympia, cyatangarijwemo ko uretse iyi ‘Promotion’, abafatabugizi banagabanyirijwe ibiciro by’ikiguzi cya buri kwezi muri iki gihe cy’imikino ya Euro.

Kugeza ubu Bouquet yaguraga 8000 Frw ubu igeze kuri 7000 frw iba iriho amashene umunani wihitiyemo, iya 12000frw yashyizwe kuri 10500frw iba iriho amashene 16 wihitiyemo, mu gihe iyaguraga 15000frw yashyizwe kuri 13500frw iba iriho amashene 24 wihitiyemo.

Nyuma y’imikino ya Euro, abakiliya bazasubizwa ku biciro bisanzwe ariko uzajya agura Canal+ azajya ahabwa ibikoresho n’umutekinisiye ku buntu.

Akandi gashya Canal+ ifitiye abakiliya bayo, ni uko yabahaye ubushobozi bwo kwihitiramo amashene bashaka, atari ibisanzwe aho Canal+ ariyo yabageneraga.

Mu gihe wakwifuza no guhindura ama shene wereka abakiliya bawe ku bacumbikira abantu, nabwo uhabwa amahirwe yo guhindurirwa.

Izi ‘Promotion’ zose Canal+ yazishyizeho mu rwego rwo gufasha amahoteli gufata neza abakiliya babo.

Canal+ yashyiriyeho 'Promotion' Hotel zifuza kuba abakiriya bayo
Tuyishime Alain uri mu bayobozi ba Canal+ Business aganiriza abafatanyabikorwa barimo n'itangazamakuru
Emmanuel Nsabimana, Umuyobozi wa 'Tourism Regulation' muri RDB yari yatumiwe muri ibi biganiro
Sophie Tchatchoua Umuyobozi wa Canal+ aganiriza abafatanyabikorwa kuri promotion bazanye binyuze muri Canal+ Business
Abanyamakuru n'abandi bafatanyabikorwa muri Canal Olympia, ahatangarijwe amakuru y'iyi promotion


Kwamamaza

2009 - 2021 ©. All rights reserved