IGIHE

Umunsi Bien-Aimé Baraza wo muri Sauti Sol yakoze impanuka ikomeye agakuka amenyo hafi ya yose

0 3-05-2021 - saa 15:10, Uwiduhaye Theos

Bien-Aimé Baraza wo muri Sauti Sol aheruka gutangaza iby’impanuka yigeze gukora agakuka amenyo 16 ariko na none igasa nk’aho we na bagenzi be ibaharuriye inzira mu muziki wabo.

Aheruka ku bitangaza mu biganiro we na bagenzi bakora bise Sol Generation, yavuze ko mu 2007 igihe yakoreye impanuka we na bagenzi be babana mu itsinda bari bafite gahunda yo gukomeza ubuzima bagakora ibindi bintu bitandukanye.

Ati “Twasoje amashuri mu 2005. Nyuma nari ngiye kwiga muri Amerika kwiga. Polycarp yari ari kwiga ‘actuarial science’. Chimano yashakaga kujya i Paris mu Bufaransa ndetse na Savara yashakaga kujya muri Amerika kwiga ubuvuzi. Ukuntu muzi ariko ubu, ntabwo nari kumwemerera kumvura.”

Yavuze ko yari ari kumwe na mushiki we imodoka iramugonga akuka amenyo ajyanwa no mu bitaro bya Nairobi igitaraganya.

Ati “Nari ndi kumwe na mushiki wanjye turi kwambuka umuhanda, hari indi modoka iri kudusanga iri kugendera mu ruhande rutari rwo rw’umuhanda. Umuntu akubita amavi yanjye, ikindi gikurikiye namenye isura yanjye yari iri mu birahuri by’imodoka by’imbere ndetse niyo mpamvu mumbonana ano menyo y’amaterano, yaturutse mu Budage.”

Ubwo yakoraga impanuka Bien yari ari mu nzira ajya kuri Ambasade gushaka ibyangombwa byo kwimuka. Ku rundi ruhande Savara yahise ahagarika gahunda yari afite.

Savara ati “Nari ndi mu nzira muri Nakuru, ndetse mpamagarwa bambwirwa ko Bien akoze impanuka, mpita ngaruka.”

Chimano we yavuze ko impanuka ya mugenzi wabo yatumye bongera kwihuza, ati “Yatakaje amenyo ye ariko impanuka ye yongeye gutuma twongera kwihuza. Yari ari mu bihe bikomeye.”

Sauti Sol yashingiwe i Nairobi mu 2005. Ni itsinda rigizwe na Bien-Aimé Baraza, Willis Chimano, Savara Mudigi na Polycarp Otieno ucuranga guitar.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza