IGIHE

Jay C n’umufasha we basezeranye imbere y’Imana, ibirori byahuriranye n’amasakaramentu y’abana babo

0 31-07-2020 - saa 18:35, Nsengiyumva Emmy

Umuraperi Muhire Jean Claude wamenyekanye nka Jay C nyuma yo gusezerana imbere y’amategeko kuri uyu wa 30 Nyakanga 2020, yasezeranye imbere y’Imana n’umufasha we Ishimwe Diane bari bamaranye imyaka itanu babana.

Ibi birori byabanjirijwe no kwifotoza kw’abageni kwabereye ku irebero muri Heaven Garden, nyuma yo kwifotoza abageni berekeje kuri Regina Pacis i Remera aho basezeraniye imbere y’Imana.

Uyu muhango wahuriranye n’umuhango wa batisimu w’abana be harimo umwe wabatijwe ndetse n’umukuru wahawe ukarisitiya agahita anakomezwa.

Jay C nawe usibye gusezerana imbere y’Imana yabanje kubatizwa no gukomezwa kuko ari amasakaramentu atari yarigeze afata muri kiliziya gatolika.

Ubukwe bwa Jay C bwari buteganyijwe tariki 5 Nyakanga 2020 buza guhagarikwa n’icyorezo cya COVID-19.

Uyu muhango kimwe no gusezerana imbere y’amategeko, hakurikijwe amabwiriza yo kurwanya Covid-19 bivuze ko bwatashywe n’umubare muto w’abatumirwa.

Muhire Jean Claude n’umufasha we basezeranye mu gihe amabwiriza ya Minisiteri y’Ubuzima agena ko imihango yo gushyingirwa mu nsengero igomba kwitabirwa n’abantu batarenze 30.

Jay C ari mu baraperi bakomeye mu Rwanda mu myaka igera ku icyenda amaze akora umuziki.

Jay C n'umufasha we bagera aho bifotoreje
Akanyamuneza kari kose mu maso y'abageni
Bafatanye ifoto z'urwibutso zizajya zibibutsa iki gikorwa cy'amateka mu buzima
Aha Jay C n'umufasha we bari bari kumwe n'ababyeyi ba batisimu
Ishimwe Diane umufasha wa Jay C ubwo hafatwaga amafoto y'urwibutso
Jay C n'umufasha we bari bakereye umunsi mukuru w'ubukwe bwabo
Heaven Garden ku i Rebero niho hafatiwe aya mafoto y'urwibutso mbere yo gusezerana mu Kiliziya
Byari ibyishimo ku bageni
Mu kiliziya babanje kwibutswa amasezerano bagiye kugirana n'Imana
Imfura ya Jay C yahawe ukarisitiya iranakomezwa
Jay C nawe yabanje kubatizwa
Ubwo Jay C yabazwaga na Padiri niba yemera Diane nk'umugore we
N'umufasha we ati "Ndabyemeye..."
Jay C yereka abamutahiye ubukwe ko amaze kwambika umugore we impeta y'urudashira
Jay C yambitswe impeta n'umufasha we
Nyuma yo kwambikana impeta, Jay C n'umufasha we bahoberanye
Urugo rushya rwasabiwe umugisha
Mu Kiliziya abageni n'ababatahiye ubukwe bicaye bubahirije intera isabwa mu kwirinda coronavirus
Ubwo Jay C yahazwaga ku munsi we w'ubukwe
Umuryango wa Jay C bahimbaza Imana imbere y'abakirisitu batashye ubukwe bwabo

Amafoto: Muhizi Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza