IGIHE

Buravan mu mushinga wa album nshya

0 23-03-2021 - saa 07:34, Uwiduhaye Theos

Umuhanzi Burabyo Dushime Yvan ukoresha amazina ya Yvan Buravan mu muziki ari gukora kuri album ye ya kabiri izajya hanze mu minsi iri imbere.

Mu kiganiro yagiranye na IGIHE, yavuze ko ari gukora album ye nshya izaba iriho indirimbo 10.

Ati “Ndi gukora kuri album yanjye nshya izaba ifite indirimbo icumi. Gusa hagati aho nabaye ntanze indirimbo yanjye nise ‘Supernatural’ ngo ibe ishimisha abasanzwe bakunda umuziki wanjye. Album yanjye nshya izaba ikubiyemo ibitekerezo bitandukanye, hamwe n’urukundo nsanzwe ndirimba.”

Yakomeje avuga ko indirimbo ziri kuri iyi album y’uyu muhanzi nshya zifite aho zihurira.

Ati “Kandi na zimwe mu ndirimbo ziri kuri album yanjye nshya ni izifite n’ubundi aho zihurira n’umushinga nakoze ku bufasha nzahurabukungu bwatanzwe na Imbuto Foundation, binyuze muri Art-Rwanda Ubuhanzi.”

Uyu muhanzi yashyize hanze amashusho y’indirimbo ye yise ‘Supernatural’ nyuma y’iminsi mike asohoreye rimwe izindi eshatu yakoranye n’abahanzi b’abanyamahanga.

Mu ndirimbo yari aherutse gusohorera rimwe harimo ‘Tulale’ yakoranye n’umuhanzi wo muri Repubulika Iharanira Demokarasi ya Congo; Gaz Mawete, ‘Toté’ yasubiranyemo na Dream Boyz, itsinda rikomeye mu muziki wa Angola na ‘Si belle’ yakoranye na A Pass wo muri Uganda.

Arateganya kuzashyira hanze album ye ya kabiri mu minsi iri imbere, gusa avuga ko nta byinshi yayivugaho kuko hari ibyo akiyitunganyaho.

Buravan yaherukaga gushyira hanze album ye ya mbere yise ‘The Love Lab’ mu gitaramo gikomeye, cyabereye muri Kigali Conference & Exhibition Village hahoze hitwa Camp Kigali, kuri uyu wa Gatandatu tariki 1 Ukuboza 2018.

Buravan mu gitaramo cye yafatanyije n’abahanzi barimo itsinda rya Active, Uncle Austin ndetse na Charly na Nina. Ni igitaramo cyitabiriwe ku rwego rwo ndetse abantu aba benshi kugeza ubwo bamwe bakurikiye igitaramo bahagaze kubera ko imyanya yarin yashize.

Reba indirimbo Buravan aheruka gushyira hanze yise ‘Supernatural’

Buravan yatangaje ko agiye gushyira hanze album ya kabiri
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza