IGIHE

Akari ku mutima wa Platini nyuma yo kurushinga(Amafoto)

0 28-03-2021 - saa 09:23, Uwiduhaye Theos

Akanyamuneza ni kose ku muhanzi Nemeye Platini[Platini P] wamenyekanye mu itsinda rya Dream Boys ubu akaba asigaye aririmba ku giti cye, nyuma yo kurushinga na Ingabire Olivia.

Ni mu muhango wabaye kuri uyu wa Gatandatu tariki 27 Werurwe 2021, aho aba bombi basezenya kubana akaramata kuri Landmark Hotel iherereye Kagugu mu Mujyi wa Kigali.

Ibi birori byabaye hakurikizwa amabwiriza yo kwirinda COVID-19 cyane ko byari byatumiwemo abantu bake mu miryango y’abageni ndetse n’inshuti za hafi cyane abahanzi bo muri Kina Music nka Butera Knowless, Igor Mabano ndetse na Nel Ngabo wanaririmbyemo.

Byabaye nyuma y’aho tariki 20 Werurwe 2021, Platini yari yasabye akanakwa umukunzi we Ingabire Olivia ubusanzwe wabaga i Gikondo.

Ni umuhango wagizwe ibanga kimwe n’indi ijyanye n’ubukwe bw’uyu muhanzi kuko itavuzwe cyane mu itangazamakuru nk’uko bigenda ku bindi byamamare.

Platini yasabye anakwa umukunzi we, nyuma y’ibyumweru bibiri basezeranye imbere y’amategeko, mu muhango wabereye mu Murenge wa Remera, tariki 6 Werurwe 2021.

Kuva ubukwe bwabo bwatangira kuvugwa mu mpera za Gashyantare 2021, nta byinshi uyu muhanzi yigeze ashaka gutangaza kuri uyu mukobwa bagiye kurushinga, gusa yumvikanaga avuga ko atari umuntu uba mu ruganda rw’imyidagaduro.

Nyuma yo kurushinga Platini yanditse ku rukuta rwe rwa Instagram aha ikaze umugore mu muryango, anasaba abakunzi be kumwakira.

Ati “Ingabire rero tariki 27 Werurwe 202 ni umunsi wacu Imana yaduhaye ngo duhore twibuka ko yo ubwayo ari urukundo. Nshuti zanjye muhe ikaze urubavu rwanjye Ingabire Olivia.”

Mu minsi ishize Platini yabwiye Radio Rwanda ko yamenyanye na Ingabire Olivia bagiye mu bukwe mu 2019.

Icyo gihe yagize ati “Ni njye wamushatse. Hari ubukwe nari namubonyemo yambariye abandi bantu mpita mpamagara umuntu nabonaga uri gushyira amafoto ku mbuga nkoranyambaga musaba ko yampuza na we. Ampa nimero umukobwa turavugana mubwira ko twahura arabyanga nyine, bimara amezi menshi yarabyanze ariko uko nakomeje guhatiriza, aza kunyemerera turahura.”

Platini yavuze ko yakuruwe n’uburyo uyu mukobwa ari mwiza, agaragara neza kandi akaba abereye ifoto. Ibi ngo ntibyari bihagije ari nabyo byatumye yumva yifuje ko bazaganira birambuye, buri umwe akamenya undi byisumbuyeho.

Platini avuga ko mbere yo kubwira uyu mukobwa ko yamukunze, yamwinjije mu buzima bw’umuziki kugira ngo ibyo azajya yumva ajye amenya ko harimo ukuri n’ibinyoma.

Nyuma yo gutandukana na Ingabire Diane bakundanye imyaka ine, bagashyira akadomo ku rugendo rwabo mu 2017, ntabwo Platini yongeye kugaragaza umukunzi we. Avuga ko byatewe n’uko umugore we nawe yamusabye ko urukundo rwabo rutajya mu itangazamakuru.

Akanyamuneza kari kose kuri Platini na Olivia ubwo bari bamaze guhana isezerano
Ahabereye ubukwe ni uku hari hateguye
Barebanaga akana ko mu jisho
Ingabire Olivia arahirira Platini kuzamubera urubavu akaramata
Ingabire Olivia yari amaze igihe kitari kinini cyane akundana na Platini
Ishimwe Clement niwe wari wabaye Parrain wa Nemeye Platini
Pasiteri asezeranya Platini n'umukunzi we
Platini n'umugore we bari bashagawe
Platini n'umukunzi we basengewe
Platini yacurangiye umugeni
Platini yambika impeta umukunzi we
Platini yari ashagawe na Ishimwe Clement wa Kina Music
Byari ibirori by'akataraboneka kuri Platini na Olivia
Platini yateguye ubukwe bwe mu ibanga rikomeye
Platini yavuze ko hari byinshi yakundiye Olivia birimo n'imico ye
Ubu bukwe bwari bwitabiriwe n'abantu bake mu miryango y'aba bombi n'inshuti za hafi gusa
Ubwo Platini yahanaga isezerano ryo kubana akaramata n'umugore we
b3cdf581 25ae 4732 ac0e a8edef15d682
Nyuma yo gusezerana imbere y'Imana, bahawe umwanya bitegereza ubwiza bwa Kigali
f2bd528c 6264 461c ba6c bc2c574a96c6

Amafoto: Plaisir Pictures

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza