IGIHE

Amafoto na Video byaranze agace ka kabiri ka Tour du Rwanda 2021

0 4-05-2021 - saa 06:44, Eric Tony Ukurikiyimfura

Umunya-Colombia Umba Lopez Abner Santiago w’imyaka 18, ukinira Androni Giocattoli yo mu Butaliyani, yambaye umwenda w’umuhondo wa Tour du Rwanda 2021 nyuma y’agace ka kabiri kegukanywe n’Umufaransa Alan Boileau ukinira B&B Hotels kuri uyu wa Mbere.

Aka gace ka kabiri kahagurukiye imbere y’inyubako ya MIC mu Mujyi wa Kigali, gasorezwa imbere y’ishami rya COGEBANQUE i Huye nyuma yo gukora ibilometero 120,5, aho Alan Boileau yakoresheje amasaha atatu, iminota irindwi n’amasegonda 14.

Umukinnyi wabaye uwa kabiri akanambara umwenda w’umuhondo ni Umunya-Colombia Umba Lopez Abner Santiago wa Androni Giocattoli wasizwe amasegonda atandatu, ariko na we arusha abiri igikundi cy’abakinnyi 22 barimo na Sanchez Brayan Vergara (Medellin) wari wambaye umwambaro w’umuhondo, aho yabaye uwa gatatu uyu munsi.

Umunyarwanda waje hafi ni Uhiriwe Byiza Renus (Team Rwanda) wakoresheje amasaha atatu, iminota irindwi n’amasegonda 22, aba uwa 20 mu gihe Mugisha Samuel wa 26, yasizwe amasegonda 36 na Alan Boileau.

Tour du Rwanda 2021 izakomeza ku wa Kabiri tariki ya 4 Gicurasi 2021 hakinwa agace ka gatatu kazahagurukira i Nyanza kerekeza i Gicumbi ku ntera y’ibilometero 171,6, aka ni ko karekare kari mu isiganwa ry’uyu mwaka.

Abakinnyi 10 ba mbere kuri etape Kigali- Huye

  1. Alan Boileau (B&B Hotels, Fra), 3h07’14”
  2. Umba Lopez Abner Santiago (Androni, Col), 3h07’14” + 06”
  3. Sanchez Vergara Brayan Stiven (Medellin, Col), 3h07’14”+ 08”
  4. Vahtara Norman (Israel Start-up Nation, Est), ibihe bimwe
  5. Marchand Gianni (Tarteletto-Isorex, Bel), ibihe bimwe
  6. Alex Hoehn (Wildlife Generation, USA), ibihe bimwe
  7. Restrepo Jhonatan Valencia (Androni, Col) , ibihe bimwe
  8. Salim Kipkemboi (Bike Aid, Kenya), ibihe bimwe
  9. Quentin Pacher (B&B Hotels, Fra), ibihe bimwe
  10. Valentin Ferron (Direct Energie, Fra), ibihe bimwe

Abakinnyi 10 ba mbere ku rutonde rusange nyuma y’uduce tubiri

  1. Umba Lopez Abner Santiago (Androni, Col), 5h41’03”
  2. Sanchez Vergara Brayan Stiven (Medellin, Col), 5h41’03” + 02”
  3. Alex Hoehn (Wildlife Generation, USA), ibihe bimwe
  4. Restrepo Jhonatan Valencia (Androni, Col) , ibihe bimwe
  5. Quentin Pacher (B&B Hotels, Fra), ibihe bimwe
  6. Salim Kipkemboi (Bike Aid, Kenya), ibihe bimwe
  7. James Piccoli (Israel Start-up Nation, CAN), ibihe bimwe
  8. Valentin Ferron (Direct Energie, Fra), ibihe bimwe
  9. Vahtara Norman (Israel Start-up Nation, Est), ibihe bimwe
  10. Uhiriwe Byiza Renus (Team Rwanda), ibihe bimwe
Abakinnyi bamanuka ku Muhima mbere yo gutangira kubarirwa ibihe
Nyabugogo hari abafana benshi ku muhanda
Abakinnyi ba Medellin na Direct Energie bari mu bayoboye igikundi ubwo isiganwa ryari rigeze muri Kamonyi
Nsengimana Jean Bosco (Team Rwanda), Manizabayo Eric ' Karadiyo’ (Benediction Ignite) na Tewelde Weldegaber bacomotse muri bagenzi babo hakiri kare
Manizabayo na Nsengimana bigaragaje mu dusozi twaranze aka gace ka kabiri
Abakinnyi bagenderaga mu bikundi bibiri, icyarimo Brayan Sanchez kiyobowe na bagenzi be bakinana muri Medellin
Brayan Sanchez wari wambaye umwenda w'umuhondo yari arinzwe na bagenzi be
Nehari Mohamed Amine afata amazi mu modoka y'ikipe ye
Mu Ruhango hari abafana benshi ku muhanda
Bykusenge Patrick (Benediction Ignite) na Uhiriwe Byiza Renus (Team Rwanda) bari mu gikundi kirimo Brayan Sanchez wari wambaye umwenda w'umuhondo
Mugisha Samuel yereka abatoza ko yumvise amabwiriza bamuhaye
Abasiganwa bakata ikorosi nyuma yo kwinjira mu karere ka Huye
Abakinnyi ba Direct Energie bagendaga bacungana n'aba Medellin
Sanchez Vergara Brayan Stiven (wambaye umwenda w'umuhondo) na Vahtara Norman (Israel Start-up Nation) basoreje mu gikundi cyakurikiye abakinnyi babiri ba mbere
Mugisha Sameul wa Team Rwanda yageranye ku murongo na Gautier Cyril wa B&B Hotels
Umufaransa Alan Boileau wa B&B Hotels, yegukanye agace ka kabiri kasorejwe i Huye
Umba Lopez Abner Santiago w'imyaka 18, yambaye umwenda w'umuhondo utangwa VISIT RWANDA
Manizabayo Eric yahembwe na Cogebanque nk'umukinnyi warushije abandi guterera imisozi
Teugels Lennert wa Tarteletto-Isorex yahembwe na SP nk'umukinnyi warushije abandi kubaduka
Umunya-Kenya Salim Kipkemboi wa Bike Aid ni we Munyafurika witwaye neza ku gace ka kabiri
Androni Giocattoli-Sidermic yo mu Butaliyani yongeye guhembwa nk'ikipe nziza

Amafoto: FERWACY

Video: Mushimiyimana Azeem

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza