IGIHE

Umugabo yafunzwe azira kwita umwana we wihinduje igitsina "umukobwa"

0 21-04-2021 - saa 10:47, IGIHE

Urukiko rw’Ikirenga muri British Columbia muri Canada rwakatiye umugabo wo muri iki gihugu igifungo cy’amezi atandatu kubera gushyira hanze amakuru avuga ko umwana we ari gufata imiti izamufasha kwigira umuhungu no kumwita umukobwa.

Uyu mugabo ngo yashyize hanze amakuru ko umukobwa we w’imyaka 14 wahisemo kwihinduza umuhungu ari gufata imiti izamufasha kutagera mu gihe cy’ubwangavu ndetse n’indi imufasha kuba yagira imisemburo ya gihungu.

Uretse kuba yarashyize hanze amakuru ajyanye n’ubuzima bwite bw’umwana we, uyu mugabo ngo yageretseho no kuzajya amuhamagara cyangwa akamuvugaho akoresheje insimburazina za “she” na “her” mu busanzwe zikoreshwa igihe uri kuvugwa ari umukobwa.

Umucamanza, Michael Tammen yavuze ko uyu mugabo ahamwa n’icyaha cyo kwinjira mu buzima bwite bw’umwana no kubushyira hanze kuko yasakaje inyandiko zigaragaza imiti yagombaga gufata ziriho n’amazina ye n’abaganga bamukurikiranaga. Uyu mugabo kandi yashinjwe gukomeza kwita uyu mwana we umukobwa mu gihe we yifuza kwita umuhungu.

Imiryango irengera uburenganzira bwa muntu muri Canada imaze iminsi ishyira ku gitutu Leta y’iki gihugu isaba ko abana bahisemo kwihinduza igitsina barindwa ihohoterwa iryo ari ryo ryose bashobora gukorerwa biturutse mu kutakirwa n’imiryango yabo.

Imiryango myinshi imaze igihe isaba ko abana bihinduje igitsina barindwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza