IGIHE

Impamvu u Rwanda nk’igihugu cyakubyaye rukwiye ku kuba ku mutima

8 14-11-2019 - saa 15:16, Iradukunda Serge

Nk’Umunyarwanda aho waba uri hose, ubuzima waba ubayemo bwose hari impamvu nyinshi zituma ukwiye kuzirikana ndetse no kurangwa n’urukundo rw’igihugu cyawe nk’imwe mu ntego eshatu zibumbatiye ubuzima bw’u Rwanda.

Mu nyabutatu zigenga abanyarwanda nk’uko tubisanga mu kirangantego cy’u Rwanda, ni ‘Ubumwe, umurimo no gukunda igihugu’. Uyu ukaba umurunga ubumbatiye ubuzima bw’abanyarwanda aho bari hose.

Ku itariki ya 1 Ukwakira 1990 nibwo abasore n’inkumi bahoze mu ngabo za RPA bahagurutse, maze batangira urugamba rwo kubohora u Rwanda. Nta kindi cyababungaga mu maraso uretse urukundo rw’igihugu rugera ku kucyitangira.

Uyu munsi ushobora kwicara ukibaza niba iyo uza kuba mu mwanya w’aba basore n’inkumi wari kugira ubushake n’umurava byabaranze nawe ugahitamo gusiga ababyeyi n’inshuti ukemera kujya kurwana urugamba nta cyizere cy’uko uzarokoka ukabasha kuba mu gihugu wavunikiye.

Nta shuri ushobora kwigamo ngo rigutoze gukunda igihugu cyawe bene aka kageni uretse uburere uhabwa n’ababyeyi ndetse n’umutima ushaka, nk’uko umwanditsi w’ibitabo akaba n’umukinnyi wa filimi muri Amerika, Jesse Ventura, yabivuze.

Ati “Urukundo rw’igihugu cyawe ni ikintu gituruka mu mutima, ugomba kurwigishwa n’ababyeyi”.

Urukundo rw’igihugu si ikintu gishya mu buzima bw’Abanyarwanda ndetse si n’umuco batira ahandi nk’uko bigaragazwa n’amwe mu mateka y’abami nka Ruganzu Ndoli, Yuhi Gahindiro na Kigeli III Rwabugiri.

Nk’uko amateka abigaragaza, aba bose baranzwe n’urukundo ruhebuje rw’igihugu, bamize bunguri ko ntaheza haruta iwabo n’ubwo wagira ubwenegihugu bubiri ukaba umuturage wemewe w’ikindi gihugu, ariko mu rugo ni aho ufite ku mutima, ufite imizi n’inkomoko.

Abahanga batandukanye bagiye bagaragaza zimwe mu mpamvu zikwiye gutuma umuntu akunda igihugu cye.

Urukundo rw’igihugu ruzatuma ushishikarira kugiteza imbere

Kuba u Rwanda rukiri mu bihugu biri mu inzira y’amajyambere, bivuze ko rugifite byinshi byo gukora kandi ukwiriye kugiramo uruhare.

Mu Isi yabaye nk’umudugudu ushobora gutemberera mu mijyi myiza myinshi yo hirya no hino ariko se ntibyaba byiza ubonye igihugu cyawe kuri uru rwego, yego birashoboka cyane uramutse ubigizemo uruhare, wanga uwagisubiza inyuma, utanga umusoro ndetse unakora neza akazi ushinzwe niba ugafite.

Urukundo rw’igihugu rubumbira abantu mu bumwe

Abanyarwanda bose baramutse bahujwe n’urukundo rw’igihugu byabashoboza gushyira inyuma byinshi bibatandukanya kuko baba bayobowe n’urukundo rw’igihugu.

Umwanditsi w’ibitabo Brianna Grafton yavuze ko urukundo rw’igihugu rugikenewe cyane cyane mu bato kuko rutuma abantu babaho mu bumwe, mu bwubahane n’urukundo kandi ibi byose nk’Abanyarwanda birakenewe.

Urukundo rw’igihugu ruzatuma wiyemeza kugicungira umutekano

Bitabaye aho gukunda igihugu, byagorana kubona abasore n’inkumi biyemeza kurara amajoro, kugenda ku zuba ry’igikatu no mu mvura y’amahindu ngo hatagira ubaca mu rihumye akabuza abagituye umutekano.

Abari mu ngabo z’igihugu uyu munsi, mu myaka iri imbere ntibazaba bakibishoboye niyo mpamvu gukunda igihugu bikwiriye gukomezwa kwigishwa kugira ngo hazaboneke ababasimbura.

Muri make gukunda igihugu ntibitandukana no kukifuriza ijabo rigiha ijambo, kuba igihangange mu bindi, kukirinda uwashaka kugitoneka no kugira uruhare mu byatuma gisagamba.

Ingabo za RPA zari ziyobowe na Perezida Kagame ni urugero rwiza rwo gukunda igihugu no kucyitangira
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Cécile UMURAZAWASE 2019-11-18 04:08:17

Iyi nkuru iranejeje cyane,Gukunda igihugu mbibona nk’inshingano ya buri wese ugituye,Kandi dushyizeho akacu abatagikunda bacika intege, murakoze cyane.

2
Emmanuel 2019-11-17 14:14:37

Nitwa Emmanuel. Nukuri birakuiye gukunda igihugu cyacu nkabanyarwarwanda irega ujya gutera uburezi arabwibanza usanga abanyarwanda dukunda ibihugu byiburayi kurusha uko dukunda igihugu cyacu nyamara nago byari bikwiye!

3
Nama 2019-11-15 23:09:33

Twese hamwe dukunde u Rwanda, turuteze imbere, twirinda ibidutanya. Ntabutegetsi buzabura umwanzi uburwanya ariko ababikora murishuka.

4
Kayitare jnr 2019-11-15 14:43:45

Kuri Rwejo na kanyarwanda.
Sinabasuhuza kuko ntanubwo mwanyikiriza.
1.ingoma ya cyami abakurambere banyu bayivutsemwo baranayirinda baranayipfira.
Abo muribo bose Cg aho muri hose,
Nta nda ndende yabaranganga nkiyo muzererana ishyanga.

2.ese ubundi nimba urumunyarwanda ukaba udashaka igihugu cyawe mu neza ubwo ur, umunya Rwanda Cg uricyo ntazi.

3.
Ntakinshimisha nko kwanga iwanyu, ukanga So wakubyaye
Ahubwo ukirirwa uzererana nuwarongoye nyoko.
Mbega ibigoryi.
Murashaka iki mubuzima bwanyu.
Ariko njye ndabarenganyiriza iki ko murengana.
Ya migambi mibisha yabateje kugotomera ya maraso y, imfura.

Burya disi arabatera kuko yaranabavumye.
Muzayihisha ariko yo ntazabihisha
Azajya ababeshya mwibagirwe.
Narangiza abakoze isoni
Mwisi yose.
.gutegeka uvuga nukuhe.?
Imbere yubu butegetsi ntabwo mwari mwariyanze ubwanyu.

Mufa ubusa nicyo mwita ubwenge.
Erega buriya ntakindi cyabiteraga usibye inda ndende.

Yemwe ingendo yundi iravuna.
Ntimuzishuke ngo mwarize
Ubuyobozi burigaragaza.
Yewe na nijoro ntibwihishira
Rero mwe
Ndavuga uwiyise Rwejo na kanyarwanda.

Muziko harigishya mwibitsemwo.
Muzivane mumwijima wa mahano abatuye mumitima
Mwegere urumuri
Wenda Imana yabahumura.
SHAMELESS RABBISH

5
Cyilima ruqwe 2019-11-15 11:22:05

Iki gihugu turagikunda cyane kandi tuzatanga amaraso n’ibyo dutunze mu kukirinda aho cyavuye ntawe utahazi.

6
rurangirwa 2019-11-15 02:15:31

Inkuru nziza rwose cyane cyane nyituye urubyiruko nyarwanda aho ruri hose

#MAMARWANDA kumutima much love.

7
Kanyarwanda 2019-11-15 01:38:47

Nta muntu udakunda urwamwibarutse nanjye ndimo kandi ntihazagire ukubeshya ko arukunda kurusha undi uwo azaba akubeshya. Gusa ukuntu ruyoborwa buri gihe nibyo bidutera ikibazo.

8
Rwejo 2019-11-14 15:52:01

Igihugu ni abaturage bacyo. Abenshi mu baturage bacu bagiye bapfa bunyamaswa tugaterera agati mu ryinyo hanyuma twarangiza tukavuga ngo dukunda u Rwanda. Gukunda igihugu nyabyo ni uguca umuco w’uburyarya n’ubutiriganya byabaye karande

Kwamamaza