IGIHE

Florida: Yakize Coronavirus abyimba ururimi, amara amezi atatu adafunga umunwa

0 21-11-2020 - saa 13:52, IGIHE

Anthony Jones utuye muri Lake City muri Leta ya Florida muri Nyakanga 2020 yajyanywe mu bitaro igitaraganya nyuma yo gusanganwa icyorezo cya COVID-19.

Akigezwa kwa muganga yahise ajya muri koma ndetse ashyirwa ku mashini yongerera abarwayi ba Coronavirus umwuka.

7sur7 yanditse ko uyu mugabo yatoye agahenge asanga ururimi rwe rwarabyimbye cyane ku buryo yamaze amezi atatu atavuga, atanafunga umunwa.

Gail yavuze ko umugabo we Anthony Jones yashyizwe ku mashini imwongerera umwuka ‘abaganga bagerageza kumuvura ibihaha’.

Yasobanuye ko ibihaha bye byari byarangiritse cyane ku buryo byasabye amasaha 12 kugira ngo igifu cyongere kumera neza.

Nyuma y’amezi atatu, umubyeyi wa Anthony Jones yamufashije kubona umuganga uzobereye mu kuvura ubwo burwayi muri Leta ya Houston, ndetse yitabwaho arakira.

Kuri ubu Anthony Jones ashobora kuvuga no gufunga umunwa neza. Mu ijambo rigufi yagize ati “Ndashima cyane kuko ubu nshobora kuvuga.’’

Anthony Jones wo muri Leta ya Florida yajyanywe mu bitaro igitaraganya nyuma yo gusanganwa COVID-19, yakize asanga ururimi rwarabyimbye ku buryo adashobora kuvuga no gufunga umunwa
Gail yabaye hafi umugabo we Anthony Jones mu bihe by'uburwayi
Anthony Jones yavuwe n'umuganga w'inzobere mu Mujyi wa Houston muri Texas
Anthony Jones n'itsinda ry'abaganga bamuvuye
Gail yongeye kumwenyura nyuma yo kubona umugabo we yarakize

Amafoto: UT Health School of Dentistry

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza