IGIHE

Kigali: Umuntu utaramenyekana umwirondoro yasanzwe muri ruhurura yapfuye (Amafoto)

0 21-11-2020 - saa 21:45, Tuyishimire Raymond

Umugabo utaramenyekana umwirondoro we yasanzwe muri ruhurura y’ahazwi nko kuri Cadillac mu Murenge wa Muhima ho mu Karere ka Nyarugenge yapfuye.

Urupfu rw’uyu mugabo rwamenyekanye nyuma y’imvura yaguye ku gicamunsi cyo kuri uyu wa Gatandatu, tariki 21 Ugushingo 2020.

Umukozi ukorera Sosiyete ikora Imihanda, Ineza Fiston, yabwiye IGIHE ko uw mugabo yatwawe n’umuvu w’amazi wamuvanye muri ruhurura yo mu Rugunga.

Ati "Iyo imvura yaguye hano ruhurura iruzura, noneho huzuye hajya hanuka ibintu by’ibiti, noneho nyuma mbwira umusekirite twari kumwe hano ngo ano mazi ntabwo ari shyashya, ashobora kuba amanukanye umuntu kuko yivumbaguzaga cyane.’’

Yavuze ko imvura imaze guhita aribwo babonye umuntu amazi yahururanya, bahita bahamagara Polisi ngo itabare.

Ubwo umunyamakuru wa IGIHE yageraga kuri iyi ruhurura bivugwa ko ari ho nyakwigendera yakuwe, yasanze inzego z’umutekano zirimo Polisi ndetse n’inkeragutabara zahageze zisanga yashizemo umwuka.

Ntabwo biramenyekana uko uwo mugabo yageze muri ruhurura ikamutwara kugeza ashizemo umwuka.

Nyakwigendera yahise ashyirwa mu mwambaro wabugenewe ajyanwa kwa muganga gukorerwa isuzuma ari nako hakorwa iperereza ngo hamenyekane imyirondoro ye n’umuryango we.

Ruhurura ya Cadillac ni yo uyu mugabo utaramenyekana yasanzwemo yapfuye
Ababonye uwo mugabo bavuze ko yatwawe n'amazi yavuye kuri ruhurura ivana mu Rugunga
Inzego z'umutekano zirimo Polisi zahise zitabara zisanga uwo mugabo yitabye Imana
Umurambo we wahise ujyanwa kwa muganga gukorerwa isuzumwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza