IGIHE

Kicukiro: Umusore yicishijwe amabuye, umukunzi we ajya muri Coma

0 4-05-2021 - saa 14:37, Thamimu Hakizimana

Umusore witwa Etienne Ntacyabukura wo mu Murenge wa Kigarama mu Karere ka Kicukiro biravugwa ko yishwe atewe amabuye ari kumwe n’umukunzi we bateganyaga kurushinga.

Ahagana saa tatu z’ijoro ryo ku Cyumweru tariki 2 Gicurasi 2021, hari abaturage babonye uyu musore hafi y’ikibuga cy’umupira cya GS Bwerankori ari kumwe n’umukunzi we. Bivugwa ko bari bari gutegura ibijyanye n’ubukwe bwabo bari bafite vuba.

Hashize umwanya, nibwo umurambo we wabonetse ha handi, ukikijwe n’amabuye bigaragara ko ashobora kuba ariyo yatewe agapfa. Umukobwa bari kumwe, nawe yasanzwe iruhande rw’umurambo yaguye igihumure gusa we nta gikomere cyangwa se ikindi kintu yari afite.

Ntibizwi neza uburyo uwo musore yishwe, uwamwishe cyangwa se uruhare rw’uwo mukobwa muri urwo rupfu kuko yasanzwe ari muzima nta kibazo afite.

Umunyamabanga Nshingwabikorwa w’Umurenge wa Kigarama, Umubyeyi Médiatrice, yemereye IGIHE iby’urupfu rw’uyu musore avuga ko bishoboka ko uwo musore yaba yaricishijwe amabuye.

Ati “Bari barimo gutegura ubukwe ariko umukobwa bikiba na we yahise amera nk’uhungabana.”

Uwo mukobwa yahise ajyanwa kwa muganga kugira ngo yitabweho mu gihe umurambo w’umusore wajyanywe ku bitaro by’Akarere ka Gasabo ku Kacyiru mu gihe iperereza ryatangiye ngo hamenyekane amakuru nyayo y’urwo rupfu.

Ifoto ya Satellite igaragaza Bwerankori aho umusore yiciwe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza