IGIHE

Abafashijwe n’umushinga wa FXB Village barishimira iterambere wabagejejeho

0 17-10-2020 - saa 21:25, Tuyishimire Raymond

Abaremewe n’umushinga wa FXB Village uterwa inkunga n’uruganda rwenga ibinyobwa bisembuye n’ibidasembuye, SKOL Brewery Ltd na Skol barishimira iterambere bamaze kugezwaho.

U Rwanda rurakataje mu iterambere, ari nako umuturage adasigaye, ibyo bikagirwamo uruhare n’abafatanyabikorwa ba leta muri gahunda z’iterambere.

Muri urwo rwego, umushinga FXB Village wafashe iya mbere uremera abaturage ubaha igishoro cyo gutangiza imishinga iciriritse ndetse n’ibikoresho by’imyuga bizabafasha guhanga umurimo.

Ibyo bihamywa n’ubuhamya bw’abaganiriye na IGIHE, bavuga ko FXB yabahinduriye ubuzima ndetse ko bagiye kujyana n’icyerekezo u Rwanda ruganamo.

Mukambungo Marie Rose, umwe mu bafashijwe na FXB village afite ubucuruzi buciriritse yashimye ubufasha yahawe ngo kuko bamufashije kubona igishoro bikamuhindurira ubuzima.

Ati “Bansanze ku isoko rya Miduha, bambaza icyifuzo cyanjye uko kimeze, ndababwira nti mu buzima bwanjye munyongereye igishoro nagera kuri byinshi ntagezeho. Ni uko baransuye, bamaze kunsura barigendera, nyuma baza kuduha inkunga tuyikoresha neza tuyibyaza umusaruro, niho nakuye n’itangiriro ryo kujya mu yandi matsinda."

Ibi kandi bishimangirwa na Niyonkuru Fabrice wafashijwe guhugurwa mu mwuga wo gusudira nyuma akaza guhabwa ibikoresho ,avuga ko mbere atarahugurwa nta cyerekezo cy’ubuzima yari afite.

Ati"Kuri ubu ngiye gutangira gushyira mu bikorwa umwuga nize, ntarajya kwiga uno mwuga nari ndaho nta cyerekezo. Nari ntaragira igitekerezo cyo kwiga gusudira ariko kuva nagira igitekerezo nanjye ngiye kwiteza imbere".

Uyu mushinga wa FXB Village umaze imyaka ine ufasha abantu kwiteza imbere nk’uko biri mu ntego zawo zo guhindurira abantu ubuzima.

Umuyobozi Mukuru wa UNIBRA, Sosiyete yabyaye Skol yavuze ko intego bari bihaye zaragezweho.

Ati” Uyu munsi turasoza igikorwa twari tumazemo imyaka itatu dufasha abantu bari mu bukene cyane ,tubaha icyizere ndetse no kubaremera ejo hazaza heza. Rero uyu munsi ndishimye kuko mu myaka ibiri ishize nabasuye nkaba nishimiye ibyo abagize FXB bakoze kuri buri umwe".

Umushinga FXB Village ufasha abantu bibumbiye mu matsinda, ukabafasha kubitsa no kugurizanya ari ari nako bizigama. Hari n’abandi nk’abanyeshuri bafashwa kubona amafaranga y’ishuri n’ibikoresho.

Kuba hashize imyaka itatu bafashwa, umuyobozi wa FXB Villlage Habyarimana Emmanuel, avuga ko abafashijwe bakomeza bakabakurikirana.

Ati"Dukomeza gufasha amatsinda yabo kugira ngo ya matsinda yo kubitsa no kugurizanya dukomeze tubahe ubujyanama".

Kuva umushinga wa FXB Village umaze gukoresha agera ibihumbi 200 $ ni ukuvuga miliyoni 195 Frw.

Mu bantu ku giti cyabo bafashijwe, umwe yagiye ahabwa ibihumbi 120 Frw nk’igishoro mu gihe itsinda ryagiye rihabwa ibihumbi 200. Banafashije banyeshuri 158 biga mu mashuri abanza kubona ibikoresho ndetse n’amafaranga y’ishuri, 62 biga mu yisumbuye ndetse na 11 biga mu mashuri y’imyuga.

FXB Rwanda ni umuryango utegamiye kuri Leta watangiye mu Rwanda kuva 2012.Ukaba warabyawe na FXB international ufite icyicaro mu Busuwisi nawo washinzwe mu 1989 .

Niyonkuru Fabrice ni umwe mu bafashijwe na FXB ahabwa imashini isudira
Umuyobozi wa UNIBRA, Thibault Relecom yishimiye ibyo umushinga FXB Village umaze kugeraho
Abamaze gufashwa na FXB bagaragaje ibyishimo kubw'inkunga bamaze guhabwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza