IGIHE

RDC: Abarobyi 27 bakorewe iyicarubozo n’ingabo za Uganda

0 16-10-2020 - saa 18:56, IGIHE

Abarobyi 27 bo muri Repubulika ya Demokarasi ya Congo bashinje Ingabo za Uganda kubakorera iyicarubozo ndetse zigafatira ibikoresho byabo, mu gikorwa cyabaye mu ijoro ryo ku wa Gatatu tariki 14 Ukwakira, mu Majyepfo y’Ikiyaga cya Edouard.

Radio Okapi yatangaje ko Ingabo za Uganda zashinjaga abo barobyi kurenga umupaka utandukanya ibihugu byombi mu mazi. Kubera ko ngo batashoboraga kubinjiza muri Uganda bitewe n’amabwiriza yo kwirinda COVID-19, ngo babanje kubakorera iyicarubozo nyuma barabarekura.

Mu bikoresho byafatiriwe harimo ubwato umunani bukoresha moteri na butanu buto bakoreshaga mu kiyaga.

Umuyobozi mu Gace ka Rutshuru, Mbusa Mukanda Aimé, yavuze ko bene ibyo bikorwa bihombya abarobyi b’Abanye-congo ku rwego rukomeye.

Yakomeje ati "Kuva mu 2015, ubwato 136 bw’ibiti na 106 bukoresha moteri kimwe n’inshundura 6800 by’abarobyi b’Abanye-Congo bimaze gufatwa na Uganda. Abasirikare bo mu mazi ba Uganda bakunda kurenga imbibi kugira ngo bahohotere abarobyi bo muri Congo. Kugeza ubu bamaze gutwara litiro zisaga 5000 zifite agaciro nibura ka miliyoni 10 z’amafaranga ya Congo. Turasaba ko habaho ibikorwa bya dipolomasi hagati ya Uganda na Congo kuko birakabije."

Abarobyi batangaje ko bagenzi babo bahohotewe ubu barimo kuvurirwa mu Bigo Nderabuzima bya Nyakakoma na Kyavinyonge.

Abarobyi bo muri RDC bashinja ingabo za Uganda kubakorera iyicarubozo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza