IGIHE

Kenya mu gihirahiro nyuma y’uko USAID ihagaritse kuyoherereza imiti igabanya ubukana bwa Sida

0 7-04-2021 - saa 09:41, IGIHE

Inzego z’Ubuzima muri Kenya zatangaje ko zatangiye guhura n’ikibazo cy’ibura ry’imiti igabanya ubukana bw’Agakoko gatera Sida bitewe n’icyemezo cy’Ikigo cy’Abanyamerika gishinzwe Iterambere Mpuzamahanga (USAID) cyo guhagarika kuyoherezayo.

Mu minsi ishize nibwo USAID yari isanzwe yohereza imiti igabanya ubukana bw’Agakoko gatera Sida muri Kenya, yatangaje ko ibaye ibihagaritse kubera ko ishinja Ikigo gishinzwe ibikorwa byo gutanga imiti muri iki gihugu kizwi nka ‘Kenya Medical Supplies Authority’ (Kemsa) ruswa n’imicungire mibi, nubwo iki kigo cyo cyagiye kibihakana.

BBC yatangaje ko kugeza ubu ibitaro bya Leta muri Kenya, byatangiye guhura n’ikibazo cyo kubona iyi miti mu gihe hari dose zayo zibarirwa muri miliyari zafatiriwe ku cyambu cya Mombasa.

Kugeza ubu umuti wa Nevirapine ukoreshwa mu kugabanya ikwirakwira ry’ubwandu bwa Sida no kongerera umubiri ubudahangarwa n’uwa Zidovudine ukoreshwa mu kurinda umwana kuba yakwanduzwa na nyina ngo iri mu yatangiye gushira.

Inzego z’ubuzima zatangaje ko umubare w’abana banduzwa na ba nyina uri kwiyongera.

Mu gihe iyi miti itaratangira kuboneka, ababyeyi banduye Sida babaye bagiriwe inama yo kwirinda konsa abana babo. Kugeza ubu muri Kenya habarurwa abantu miliyoni 1,5 babana n’ubwandu bw’agakoko gatera Sida.

Inzego z'Ubuzima muri Kenya zatangaje ko zifite ikibazo cy'imiti mike igabanya ubukana bwa Sida kubera icyemezo cya USAID cyo guhagarika iyo cyoherezaga muri iki gihugu
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza