IGIHE

Raporo y’iperereza ku mpanuka y’indege ya Ethiopian Airlines izatangazwa mu 2021

0 17-10-2020 - saa 05:37, Umwali Zhuri

Ethiopia irateganya gusoza raporo ku mpanuka y’indege yayo yo mu bwoko bwa Boeing 737 Max nibura umwaka utaha muri Werurwe.

Iyi mpanuka yabaye mu 2019 mu nkengero z’Umujyi wa Addis Ababa yaguyemo abantu 157 bose bari bayirimo barimo n’umunyarwanda umwe. Ubu Urwego rushinzwe iby’Indege za Gisivili muri iki gihugu ruracyakora iperereza aho byitezwe ko rizajya hanze umwaka utaha.

Iri perereza ryakagombye kuba ryararangiye gusa ibikorwa byadindijwe n’icyorezo cya COVID-19 cyibasiye Isi kigatuma imirimo myinshi igenda buhoro.

Iyi mpanuka yatumye buriya bwoko bw’indege za Boeing buhagarikwa ku Isi hose, ndetse uruganda ruzikora narwo rutangira iperereza ryo kureba impamvu yayo aho byavuzwe ko ikoranabuhanga ry’izi ndege ryari rifite ikibazo.

Boeing iherutse gutangaza ko ikibazo izi ndege zari zifite cyakemutse, ubu iri mu igerageza zaryo mbere y’uko zongera gusubira mu kirere.

Mu ntangiriro z’uku kwezi, Tewolde GebreMariam uyobora Ethiopian Airlines, yatangaje ko bakiri mu biganiro na Boeing kugira ngo babe bahabwa ingurane ku bw’iyi mpanuka.

Iperereza ry’ibanze ryakozwe kuri iyi mpanuka, ryagaragaje ko ibibazo mu mikorere y’indege ndetse n’amahugurwa adahagije ku bapilote, ariyo ntandaro yayo.

Raporo ku cyateye iyi mpanuka, Ethiopia irateganya kuyishyira hanze mu 2021
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza