IGIHE

Brésil: Umusenateri yafashwe yahishe amafaranga mu ikariso

0 17-10-2020 - saa 07:30, Tuyishimire Raymond

Umusenateri wo muri Brésil, Chico Rodrigues, kuwa 15 Ukwakira yafashwe ahisha amafaranga mu myenda y’imbere ubwo Polisi yakoraga iperereza ku ikoreshwa nabi ry’amafaranga agenewe ibikorwa byo kurwanya Coronavirus.

Kuwa Gatatu w’iki Cyumweru, Polisi yo muri iki gihugu yasatse urugo rwe muri gahunda yayo y’iperereza kuri ibi byaha bifitanye isano na ruswa. Ni iperereza rigamije kumenya irengero rya miliyoni 3.6 z’amadolari bikekwa ko yanyerejwe.

Ibinyamakuru bitandukanye byo muri Brésil byatangaje ko abapolisi bageze mu rugo rw’uyu mugabo, bakahabona ibihumbi 100 by’ama- reais, (asaga miliyoni 17 Frw) n’andi arenga ibihumbi 30 by’ama- reais (asaga miliyoni 5 Frw) yari yahishe mu myenda ye y’imbere.

Ubwo Polisi yageraga mu rugo rwe, yamusanze yambaye “robe”, umwenda wambarwa n’umuntu ugiye cyangwa uvuye mu bwogero. Yahaswe ibibazo byinshi abazwa aho andi mafaranga aherereye, maze bimaze kumurembya, akora mu myenda ye y’imbere akuramo undi mu mufungo w’inote.

Umusenateri wo muri Brésil, Chico Rodrigues, yafatanywe amafaranga mu myenda ye y'imbere
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza