IGIHE

U Rwanda rwaje ku mwanya wa kabiri muri Afurika mu kubahiriza amategeko

0 21-04-2021 - saa 18:34, Dufitumukiza Salathiel

Raporo ngaruka mwaka ku iyubahirizwa ry’amategeko ya 2020 yashyize u Rwanda ku mwanya wa mbere mu Karere ka Afurika y’Iburasirazuba n’u uwa kabiri muri Afurika.

Iyo raporo inzwi nka “World Justice Project Rule of Law Index” ikora urutonde hagendewe ku buryo inzego z’ubuyobozi zishyirwaho,kuba hatarangwa ruswa, Guverinoma idaheza, uburenganzira bw’ibanze,umutekano n’ituze,ishyirwa mu ngiro ry’amabwiriza, ubutabera ku baturage, ndetse n’ubutabera ku banyabyaha.

Iya 2020 yerekanye ko Uganda iri inyuma mu Karere no ku mwanya wa 117 mu bihugu 128 byakoreweho inyigo mu Isi, naho Kenya iri ku wa 93 mu gihe Tanzania iri ku wa 102. U Burundi na Sudan y’Epfo byo ntibigaragara kuri urwo rutonde.

U Rwanda rwabaye urwa kabiri muri Afurika nyuma ya Namibia iri ku mwanya wa 35 ku Isi. Ibirwa bya Maurice biri ku wa 38, Botswana ni iya 43 naho Afurika y’Epfo iri ku mwanya wa 45.

Mu 2020 u Rwanda rwazamutseho imyanya itatu, kuko ku rutonde nk’uru rwa 2019 rwari rwaje ku mwanya wa 40 mu bihugu 126 byari byarushyizweho.

Muri uyu mwaka, urutonde rwakozwe hifashishijwe inyigo ku miryango 130.000 n’abanyamategeko 4.000 bo hirya no hino mu Isi.

Ibihugu 10 byaje imbere y’ibindi ni Denmark, Norvège, Finland, Suède,u Buholandi, u Budage, Nouvelle Zélande, Austriche , Canada na Estonie.

Mubyo u Rwanda rwashimiwe harimo n'uko abakekwaho ibyaha bahabwa ubutabera
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza