IGIHE

Rwagasani yanditse igitabo ku mbwirwaruhame za Perezida Kagame

0 13-02-2021 - saa 15:23, Akayezu Jean de Dieu

Umwanditsi w’Ibitabo Rwagasani Braddock Le Sage yanditse igitabo yakusanyirijemo amagambo akomeye yavanye mu mbwirwaruhame 41 z’Umukuru w’Igihugu, Paul Kagame.

Iki gitabo’The Driven Wisdom from Paul Kagame" giteganyijwe gusohoka muri Werurwe 2021, Rwagasani yabanje kugishyira ahagaragara ngo abantu batandukanye batangeho ibitekerezo atoranyemo ibyo ashobora kongera muri iki gitabo, azabone kukimurikira abanyarwanda ku mugaragaro.

Amagambo yagiye atoranywa mu mbwirwaruhame Umukuru w’Igihugu yagiye atanga mu bihe bitandukanye.

Nko mu 2012, ubwo yari I Gatsibo, Perezida Kagame yavuze ko “Abanyarwanda bameze nk’abandi bantu, Imana yaduhaye ubuzima, ubwenge n’imbaraga n’igihugu yaduhaye twese ibikenewe by’ibanze kugira ngo duhindure ubuzima bwacu natwe ntabwo tugomba kubutakaza. Iyo abantu bahinduye imyifatire yabo, byose bizashoboka. ”

Rwagasani yabwiye IGIHE ko yifuje guhuruza hamwe amagambo y’ingenzi, Perezida Kagame yagiye avuga mu mbwirwaruhame zitandukanye akenshi usanga zigaruka ku kubaka abakiri urubyiruko.

Yagize ati “Ubundi ndi mu rubyiruko, iyo ubona ibintu Umukuru w’igihugu, akora cyangwa ibyo atubwira akenshi ntabwo abantu bakunze kubibika ngo babishyire hamwe. Rero ugasanga ubishyize hamwe n’ibindi bihugu bishobora kuzajya byifashisha cya gitabo.”

Yakomeje avuga ko “Abantu bashobora gusoma, kandi uko ugenda usoma izo mbwirwarumahe usanga hari ibintu ugenda urushaho kwiga no kuzirikana ku Rwanda”

Ni ibiganiro bigera kuri 41 yagiye atoranyamo amagambo cyangwa interuro zuje ubutumwa yagiye atoranyamo abihuriza hamwe muri iki gitabo.

Rwagasani yasabye urubyiruko bagenzi be, kujya rukurikira inama ruhabwa n’ubuyobozi bw’igihugu by’umwihariko Perezida Kagame.

Yagize ati “Inama mpa urubyiruko ni ugukomeza umurage duhabwa n’ubuyobozi bwacu cyane cyane byinshi tubonera muri gahunda za leta cyane cyane ibyo tubwirwa n’umukuru w’igihugu kugira ngo tudatakaza iby’uyu munsi dukwiye kubibika mu buryo bwo kwandika ndetse n’abari hanze bakwiye kumva no gusoma ibyo tubwirwa n’umukuru w’igihugu noneho bakazakomeza iyo nzira.”

Rwagasani yanditse ibitabo bitandukanye birimo icyo yaherukaga kumurika cyitwa ‘Ubumwe, Inzira yo Kugarura Ubumwe bw’Abanyarwanda no kubumbatira ubusugire bw’igihugu’.

Rwagasani asanzwe ari umwanditsi w'ibitabo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza