Hyundai-Rwanda, Ishami ry’Uruganda rwa Hyundai Motors rukorera imodoka muri Koreya y’Epfo ryatanze amahirwe yihariye ku Banyarwanda n’abanyamahanga batunze imodoka za Hyundai yo gusuzuma ibibazo zifite.

Iki gikorwa giteganyijwe ku wa Kane, tariki ya 3 Ukwakira 2019, kizabera kuri Avenue des Poids Lourds hafi ya Kigali Car Wash ku Kimihurura.

Hyundai -Rwanda isanzwe ifasha abakiliya bayo muri ubwo buryo ikabafungurira igaraji yayo igasuzuma ibibazo imodoka zaba zifite.

Kwakira izo modoka mu igaraje rya Hyundai-Rwanda Ltd riherereye ahazwi nka car wash, bizatangira saa Mbili za mu gitondo kugeza saa kumi n’imwe z’umugoroba.

Ubuyobozi bwa Hyundai-Rwanda Ltd buvuga ko abazaba bafite imodoka zikeneye ibyuma (Spare parts) bazagirwa inama z’ibyuma byiza bagura binogeye imodoka zabo.

Imodoka zose, zaba inshya n’izimaze igihe zizakirwa nta kiguzi gitanzwe.

Hyundai yiyemeje gukorera mu Rwanda nyuma y’aho mu mwaka wa 2011, Perezida Paul Kagame yasuye Koreya agasaba ubuyobozi bw’uru ruganda kuza gukorera ku isoko ry’u Rwanda.


Kwamamaza

2009 - 2019 ©. All rights reserved