Mu nama y’iminsi ibiri ku birebana n’umutekano w’umugabane w’Afurika irimo kubera muri Ethiopia mu gace ka Tana, Perezida Paul Kagame yibuka uwari Minisitiri w’intebe wa Etiyopiya Meles Zenawi, yatangaje ko yari umuyobozi waharaniye umutekano w’umugabane we no kugera ku iterambere rirambye.
Perezida Kagame uri muri iyi nama ihuje abakuru b’ibihugu na za Guverinoma, abashakashatsi, n’abandi batandukanye, yatangaje ko Meles Zenawi yaharaniye ukwishyira ukizana kw’Abanyafurika, ko ari (...)

Mu nama y’iminsi ibiri ku birebana n’umutekano w’umugabane w’Afurika irimo kubera muri Ethiopia mu gace ka Tana, Perezida Paul Kagame yibuka uwari Minisitiri w’intebe wa Etiyopiya Meles Zenawi, yatangaje ko yari umuyobozi waharaniye umutekano w’umugabane we no kugera ku iterambere rirambye.

Perezida Kagame uri muri iyi nama ihuje abakuru b’ibihugu na za Guverinoma, abashakashatsi, n’abandi batandukanye, yatangaje ko Meles Zenawi yaharaniye ukwishyira ukizana kw’Abanyafurika, ko ari icyitegererezo ku bantu batandukanye ku iterambere riha agaciro abaturage.

Perezida Kagame yagize ati “Mu buzima bwe, Meles Zenawi yitanze mu bijyanye n’iterambere ry’ubukungu mu gihugu cye ndetse n’umugabane w’Afurika muri rusange, yarwanyije kandi yanga rimwe na rimwe iterambere ryaduka aho yabonaga ko ritanogeye abagenerwabikorwa yumva ibyo abaturage be bifuza.”

Perezida Kagame kandi ahamya ko Meles Zenawi yari umuntu ukora ibintu ibijyanye n’icyerekezo yabaga afite, kandi bijyanye n’indangagaciro z’igihugu cye, ariko akenshi agendeye ku byo abenshi babaga bifuza.

Ikindi cyibukirwa kuri Zenawi ngo ni uko yari umugabo wigiriragamo icyizere muri we, bigatuma akora ibijyanye n’ibyo abaturage be bifuzaga ko abakorera ku bijyanye n’iterambere ntawe umuhase.

Avuga kuri bamwe bavuga ko hari hamwe usanga bubaka igihugu ndetse gifite n’ubukungu ariko nta demokarasi, Perezida Kagame yibukije abitabiriye iyi nama ko hadashobora kubaho demokarasi nta terambere rihari.

Perezida Paul Kagame yavuze ko ari demokarasi n’iterambere bidasigana, aha avuga ko ahari iterambere, ari naryo rituma habaho demokarasi inoze, bityo n’ibijyanye n’uburenganzira muri politike bigakorwa neza bishingiye ku buzima bw’abaturage.

Perezida Kagame yanenze abahora bigisha demokarasi kuri bagenzi babo, avuga ko demokarasi nziza ari ijyanye n’ibyayivuyemo.

Yagize ati “Demokarasi ntikwiye kureberwa gusa mu bijyanye n’amatora, igomba kujyana n’ibyo abaturage bifuza ko bibakorerwa kandi baba bihitiyemo mu guhindura ubuzima bwabo.”

Agaruka ku bijyanye no kudategereza inkunga zivuye hanze, Perezida Kagame yagize ati “Kwigira biva mu bitekerezo. ntibivuze ko tudashaka gufatanya n’abandi. Mu buryo bwiza iyo tuvuze kwigenga, ntituba tuvuze ko nta nkunga ikenewe, bivuze ko uba ufite intego z’uko ushaka gukora ufite icyerekezo cyo gukoresha bike ufite ku buryo ushoboye, kandi iki ni icyo umuntu wese aba yifuza ndetse n’igihugu muri rusange.”

Uwahoze ari Perezida wa Nigeria Olesegun Obasanjo, akaba ari nawe uyoboye iyi nama, yavuze ku buzima bwa Meles Zenawi ati “Ethiopia yaduhaye umuco wo kumenya icyo turicyo, biturutse kuri Zenawi, Etiyopiya yatubereye urugero rwiza rw’imiyoborere inoze.”

Ku munsi wayo wa mbere, iyi nama yarangiye uwari Perezida wa Afurika y’Epfo Thabo Mbeki n’uwa Sudan Omar al-Bashir baganira ku bijyanye n’uko umugabene w’Afurika warwanya ibijyanye n’ibyaha biharangwa.

Perezida Kagame muri Ethiopia yavuze ko demukarasi ari itanga ibisubizo ku baturage b'igihugu, atari uko abandi bashaka kuyisobanura
Perezida Kagame n'abandi bakuru b'ibihugu na za Guverinoma bafashe umunota wo kunamira uwahoze ari Miniitiri w'Intebe wa Ethiopia, Meles Zenawi
Abanyetiyopiya babyina ibyino za gakondo bakira Perezida Kagame

Amafoto/Village Urugwiro


ANDIKA ICYO UTEKEREZA KURI IYI NKURU

Izina

Email


IBITEKEREZO

NDIYO UHURU NA MAENDELEO HUENDA PAMOJA ILI KUSITITIZA UTAWLA WA DEMOKRASIA

2013-04-22 08:33:52

’’DEMOKARASI NI UBUTEGETSI BW’ABATURAGE, BUTANGWA N’ABATURAGE KANDI BUKORERA ABATURAGE’’. ARIKO IYO UREBYE NEZA AHO IWANYU MURI AFRIKA USANGA UBUTEGETSI HAFI YA BWOSE USIBYE IBIHUGU BITAGEZE NI KURI BITANU UBUTEGETSI BUTANGWA N’IMBUNDA KANDI BUGAKORERA IMBUNDA ITANGWA NA BA MPATSIBIHUGU, ITERAMBERE RERO NTARYO KUKO USANGA ABAJYANAMA BA PEREZIDA WAGIYEHO MURI UBWO BURYO BABA BAGIZWE AHANINI N’INTUMWA ZA BA RUTUKU, UBWO SE IYO DEMOKARASI YASHOBOKA ITE N’IRYO TERAMBERE, IYO BIRAMUTSE BIBAYEHO USANGA BYIKUBIWE N’AGATSIKO GATO KATARENGEJE ABANTU IGIHUMBI MU MAMILIYONI ABA ATUYE ICYO GIHUGU. INGERO: GUINNEE EQUATORIALE, LIBIA KU BWA GUIDE, UGANDA, SUDAN ETC.

2013-04-22 08:13:58

Democrasi ntayibaho, abazungu baba babeshya. ahubwo ikibaho ni imibereho myiza yabene gihugu bose.

2013-04-22 04:35:17

Renzaho uvuze neza kandi urugero utanze rurAbisobanura neza tnx

2013-04-22 02:17:50

Nange ndemeranwa na president kagame ko demokarasi irangwa n’ugushaka kw’abaturage,nibo bagena uwo bashaka ko abayobora,nibo bagena ibikorwa bashaka kugeraho,ndetse n’inzira zigomba kunyurwamo ngo bigerweho,ibi kandi usanga bikorwa hagendewe ku muco wa buri baturage uba utandukanye n’abarimu bajya bashaka kuduha amasomo y’ukuntu twakora ibyo bashaka aho gukora ibyo dukeneye.

2013-04-21 16:25:03

  • 1 2

ANDI MAKURU

2014 ©. All rights reserved