IGIHE

Patoranking yasesekaye mu Rwanda (Amafoto)

1 9-10-2019 - saa 08:04, Uwiduhaye Theos

Patoranking uri mu bahanzi bakomeye muri Nigeria no ku mugabane wa Afurika, yasesekaye i Kigali aho agiye kwitabira igitaramo azahuriramo na Meddy, Charly na Nina ndetse na Bruce Melodie.

Patoranking watumiwe muri iki gitaramo ni umwe mu bahanzi bari ku ruhembe rw’umuziki muri Afurika. Mu muziki we yibanda ku njyana za Dancehall na Reggae.

Yaririmbye nyinshi mu ndirimbo zaciye ibintu muri Afurika nka ‘My Woman’, ‘No Kissing Baby ft. Sarkodie’, ‘Girlie ’O’ Remix yakoranye na Tiwa Savage, ‘Love You Die’ yakoranye na Diamond, ‘Suh Different’, ‘God Over Everything’ n’izindi.

Uyu musore w’imyaka 29 ubusanzwe yitwa Patrick Nnaemeka Okorie, yavukiye ahitwa Ijegun-Egba, Alimosho muri Leta ya Lagos muri Nigeria.

Mu 2012 nibwo yatangiye gukora umuziki mu buryo bw’umwuga, icyo gihe yakoze indirimbo yitwa "Iya Bisi" yahuriyemo na Qdot & Kbaj ariko ntiyakundwa ku rwego rwo hejuru, iyitwa ‘Alubarika’ yakoranye na Timaya mu 2014 niyo yatangiye kugurura amarembo mu muziki we.

Uyu muhanzi yaherukaga mu iserukiramuco mpuzamahanga ry’umuziki rya Kigali Up Music Festival ryabereye ku Kicukiro ku wa 19 Kanama 2017, icyo gihe yasize inkuru i Kigali yo kuririmbira kuri CD afite umunaniro ariko icyo gihe nawe yatashye yiyumvamo ko yasondetse abantu avugira ku rubyiniro ko azagaruka gupfubura abo yasigiye umunabi.

Byitezwe ko azaririmba tariki 9 Nzeri 2019 mu gutangiza ku mugaragaro inama ya YouthConnekt, izaba ku wa 9-11 Ukwakira 2019. Hanatumiwemo kandi umukinnyi w’icyamamare muri ruhago Didier Drogba.

Inama ya YouthConnekt ihuriza hamwe urubyiruko ruturutse mu bihugu bitandukanye muri Afurika, hakaganirwa ku nsanganyamatsiko zinyuranye. Muri uyu mwaka zahaganirwa ku iterambere ry’urubyiruko mu bijyanye n’inganda.

Muri izi nama kandi hifashishwa abantu batandukanye bafite aho bageze bakaganira n’urubyiruko. Inama nk’iyi yabaye muri Nyakanga 2017 yitabiriwe n’umuhanzi Akon n’umunyemari ukomeye w’umushinwa, Jack Ma.

Abantu 10,000 nibo biteganyijwe ko bazitabira iyi nama izafungurirwa muri Kigali Convention Center. Igitaramo kizabera muri Kigali Arena.

Patoranking yageze i Kigali saa tatu zirengaho iminota
Imodoka yakuye Patoranking ku kibiga cy'indege

Amafoto: Muhizi Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kayihura 2019-10-09 01:18:23

twaramuhaze mujye muzana nabandi

Kwamamaza