IGIHE

Rayon Sports yinjije asaga miliyoni 25 Frw ku mukino wa Al-Hilal Club

9 12-08-2019 - saa 13:43, Eric Tony Ukurikiyimfura

Ubuyobozi bwa Rayon Sports bwatangaje ko amafaranga bwinjije ku mukino bwaraye bwakiriyemo Al-Hilal Club yo muri Sudani mu ijonjora rya mbere rya CAF Champions League angana na miliyoni 25,190,000 Frw.

Uyu mukino wabereye kuri Stade ya Kigali i Nyamirambo witabiriwe n’abafana batari bake kugeza ubwo imiryango ya Stade ifungwa mbere y’uko umukino nyir’izina utangira.

Kwinjira kuri uyu mukino ku bicara mu myanya y’icyubahiro byasaba kwishyura ibihumbi 25 Frw mu gihe abicara ku mpande zaho bishyuye ibihumbi 15 Frw.

Abicaye ahatwikiriye bashyuye ibihumbi 5000 Frw mu gihe abicaye ahasanzwe hadatwikiriye, bo bishyuye ibihumbi 3,000 Frw.

Nk’uko tubikesha umuvugizi wa Rayon Sports, Nkurunziza Jean Paul, iyi kipe yinjije agera kuri miliyoni 25,190,000 Frw kuri uyu mukino, ariko isigarana asaga miliyoni 18 Frw nyuma yo gukuramo agenewe izindi mpande ziba zagize uruhare mu itegurwa ry’umukino.

Mu matike 1534 y’ahatwikiriye, 5055 yo mu myanya isanzwe (idatwikiriye), 15 ya VVIP na 132 ya VIP yagurishijwe, yavuyemo miliyoni 25.190.000 FRW.

Amatike y’ahatwikiriye yavuyemo miliyoni 7,670,000 Frw, mu y’ahadatwikriye havamo miliyoni 15,165,000 Frw, muri VVIP ibihumbi 375 Frw naho muri VIP yishyuye ibihumbi 15 Frw havamo miliyoni 1,980,000 Frw.

Rayon Sports yatwaye 72% by’aya mafaranga yose yabonetse, bingana na miliyoni 18,136,800 Frw.

Sosiyete ya Centrika ishinzwe imyinjirize no kwishyuza ku kibuga, yatwaye 12% bingana na miliyoni 3,022,080 Frw, Ishyirahamwe ry’Umupira w’Amaguru mu Rwanda (FERWAFA) ritwara 6.5% kimwe na Stade ya Kigali (ba nyir’ikibuga) yatwaye 6.5%, bingana na miliyoni 1,637,350 Frw kuri buri ruhande.

Ikigo cy’Igihugu gishinzwe imisoro (RRA) cyahawe 3% ingana n’ibihumbi 755,700 Frw.

Rayon Sports izakina umukino wo kwishyura na Al-Hilal mu byumweru bibiri biri imbere, uzabera i Omdurman tariki ya 23 Kanama.

Ikipe izakomeza hagati y’izi zombi, izahura n’izaba yakomeje hagati ya Rahimo FC yo muri Burkina Faso na Enyimba FC yo muri Nigeria.

Rayon Sports iherutse gutangaza ko iteganya kwinjiza asaga miliyari 1.5 Frw muri uyu mwaka mushya w’imikino, arimo miliyoni 801 Frw zizava muri iyi mikino nyafurika.

Abafana ba Rayon Sports bari bitabiriye uyu mukino ku bwinshi
Rayon Sports yanganyije na Al-Hilal Club mu mukino ubanza wabereye i Kigali kuri iki Cyumweru
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kayiranga asiya 2019-08-16 17:00:31

Mutama

2
Fffffff 2019-08-13 05:10:01

Hhhhhh abayobozi ba Rayon Sports nta soni bagira peeee. Stade Regionale yakira abantu 10,000... n’iyo buri muntu yaba yishyuye 3,000frw byaba 30,000,000frw kandi harimo iza 25,000frw, 15,000frw, 5,000frw na 3,000frw. Genda Rayon uri kimaranzara

3
Fffffff 2019-08-13 05:10:00

Hhhhhh abayobozi ba Rayon Sports nta soni bagira peeee. Stade Regionale yakira abantu 10,000... n’iyo buri muntu yaba yishyuye 3,000frw byaba 30,000,000frw kandi harimo iza 25,000frw, 15,000frw, 5,000frw na 3,000frw. Genda Rayon uri kimaranzara

4
Byirinjiro Ernest 2019-08-12 18:45:38

Ndabakunda cyane

5
kanyindi 2019-08-12 18:09:37

umunu ushaka inyungu arashora (ararangura) uwahombeje igihugu nushyizeho umubare narengwa w’abanyamahanga nkaho ariwe ubahemba. aya frw tuyakrsheje sarupong na mugeni babanyamahanga.

6
Gasore 2019-08-12 12:07:26

Nishaka izinjize na miriyari nihohahandi hayo ibibazo byayo ntibizashira ahubwo bizahora byiyongera

7
Joki 2019-08-12 10:16:23

iyi kipe icunzwe neza yakira kabisa!! ni kimara nzara ndabarahiye. uziko wayikoresha business ukaba umuherwe ukomeye.

8
Aly 2019-08-12 09:18:35

Kimaranzara oyeeeeeeeeeeeeeeeeeeeereeeer

9
guya 2019-08-12 08:08:57

Aya ni make ugereranyije no kuntu stade yari yuzuye kandi kwinjira byari bihenze! barayariye kbsa

Kwamamaza