IGIHE

Gasana Kenny, Nijimbere Guibert na Wilbert wo muri Amerika mu bo Patriots BBC izakoresha muri BAL

2 9-10-2019 - saa 15:10, Eric Tony Ukurikiyimfura

Patriots BBC izahagararira u Rwanda mu irushanwa rya Basketball Africa League (BAL) rizatangira mu cyumweru gitaha muri Tanzania, yamaze kongeramo abakinnyi batatu barimo Kenny Gasana uzwi cyane mu ikipe y’igihugu ya Basketball.

Patriots BBC iheruka kwegukana igikombe cya Shampiyona y’u Rwanda iri mu itsinda D hamwe na Hawassa BBC yo muri Ethiopia, City Oil BBC yo muri Uganda, JKT BBC yo muri Tanzania , Brave Hearts yo muri Malawi na Dynamo BBC yo mu Burundi.

Imikino izaba hagati ya tariki ya 15 na 20 Ukwakira mu Mujyi wa Dar Es Salam muri Tanzania.

Mukurarinda Jean Claude ushinzwe ubuzima bwa buri munsi akaba n’Umutoza wungirije wa Patriots BBC, yabwiye IGIHE ko kugeza ubu bamaze kongeramo abakinnyi batatu barimo umwe ukomoka muri Amerika.

Ati ”Kenny Gasana asanzwe akora imyotozo. Hari na Guibert [Nijimbere] n’undi umwe, George Wilbert wavuye muri Amerika.”

Kenneth Gasana w’imyaka 34 ni umwe mu bakinnyi ngenderwaho mu ikipe y’igihugu ya Basketball.

Nijyimbere Guibert na we ni umwe mu bakinnyi beza bari muri Shampiyona y’u Rwanda, aho asanzwe akinira IPRC Kigali.

Patriots BBC yaherukaga kumwifashisha mu irushanwa ryo Kwibuka (GMT 2019) ku nshuro ya 25 Jenoside yakorewe Abatutsi mu 1994, ryabaye muri Kamena.

Iyi Shampiyona ya Afurika Patriots BBC izitabira, izahuza amakipe yo mu bihugu bitandukanye azabanza gukina mu matsinda kugira ngo hamenyekane amakipe 12 azakomeza mu ijonjora rya nyuma, rizakinwa guhera muri Werurwe 2022.

Mu matsinda atandatu azaba agize iri rushanwa agakinira mu Mijyi itandukanye muri Afurika, ikipe ya mbere izabona itike yo gukomeza mu kindi cyiciro kizaba kigizwe n’amakipe 12.

Buri kipe muri aya 12 azakina icyiciro gikurikira mu mwaka utaha, izakina imikino itanu muri 30 izakinwa, aho amakipe atatu ya mbere mu buri gace (kazaba kagizwe n’amakipe atandatu) azabona itike yo gukina imikino ya Playoffs.

Amakipe atandatu azakina Playoffs azahura hagati yayo kugira ngo haboneke amakipe ane azajya gukina irushanwa risoza ‘BAL Final Four’ ndetse hagire agera ku mukino wa nyuma, aho iyi BAL Final 4 n’Umukino wa nyuma byombi bizakinirwa i Kigali mu mpera za 2020.

BAL Final Four n’Umukino wa nyuma, bizajya bikinwa mu mukino umwe wo gukuranamo.

Amabwiriza agenga iri rushanwa yemeza ko ikipe igomba kuba igizwe nibura n’abakinnyi umunani b’abenegihugu, ikaba yemerewe abakinnyi babiri bakomoka mu bihugu bya Afurika n’abandi babiri bakomoka hanze ya Afurika.

Kenny Gasana azakinira Patriots BBC mu mikino ya BAL izabera muri Tanzania
Nijimbere Guibert yongeye kwitabazwa na Patriots BBC
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
umugwaneza charlottee 2019-10-10 03:40:19

Mana we Kenny welcome in your country i like how you love Rwanda basketball stay blessed i have nothing more to add but all the best for your new team join we all behind of Patriot let’s go Patriot ,let’s basketball Rwanda put up our flag we basketball

2
umugwaneza charlottee 2019-10-10 03:40:17

Mana we Kenny welcome in your country i like how you love Rwanda basketball stay blessed i have nothing more to add but all the best for your new team join we all behind of Patriot let’s go Patriot ,let’s basketball Rwanda put up our flag we basketball

Kwamamaza