IGIHE

Sherrie Silver yatabarije impanga zavutse nyina agapfa ari kuzibyara

1 10-09-2019 - saa 08:00, Uwiduhaye Theos

Umunyarwandakazi Sherrie Silver umaze kubaka izina mu mbyino ku Isi yose, yiyemeje gufasha abana babiri b’impanga bavutse nyina akitaba Imana ari kubabyara.

Mu mashusho uyu muhanzikazi yashyize ku rukuta rwe rwa Instagram, agaragara ateruye aba bana babiri, ndetse akagaragaza n’inzu ababyeyi babo babagamo nayo igaragara ko atari nziza.

Agaragaza n’andi mashusho aba bana bari kumwe na se wabasigaranye nyuma y’ukwitaba Imana k’umugore we watabarutse ari kwibaruka.

Arangije ashyiraho ubutumwa bugira buti “Ubufasha! Nafashe aba bana babiri b’impanga bavutse nyina akitaba Imana ari kubabyara […] dukeneye amata, imyambaro, ibikoresho by’isuku, amacupa n’ahantu heza ho kuba bari. Nahawe amahirwe yo kubita amazina, mbita Precious na Sapphire. Mbabarira ntubarenze ingohe kuko baradukeneye.”

Wakanda hano ukabafasha: https://donorbox.org/childrenofdestiny

Sherrie Silver ari mu Rwanda guhera mu cyumweru gishize ndetse yari ari mu gikorwa cyo ‘Kwita Izina’ aho yise umwana w’ingagi izina rya ‘Ibirori’.

Aherutse gukora ibindi bikorwa byo gufasha i Nyamirambo ahitwa i Matimba, aho afatanyije n’umubyeyi we bishyuriye abaturage 1000 batishoboye bo mu Murenge wa Rwezamenyo ubwisungane mu kwivuza kugira ngo barusheho kugira ubuzima buzira umuze.

Uyu muhango wo gutanga mituweli wabaye kuwa Gatandatu tariki 7 Nzeri 2019, mu gitaramo yateguye cyiswe “Bohoka Matimba”.

Iki gitaramo n’ibikorwa byagiherekeje byateguwe na Minisiteri y’Ivugabutumwa ya “Wall Rebuilders Ministry” bishatse kuvuga ‘Abubatsi b’inkike’, yatangijwe na Sherrie Silver n’umubyeyi we Apôtre Florence Silver.

Nyuma y'igikorwa yakoreye i Nyamirambo Sherrie Silver yatangije ubukangurambaga bwo gufasha abana babiri b'impanga bavutse nyina agahita apfa
Sherrie Silver afatanyije na nyina Apôtre Florence Silver baherutse gukorera ibikorwa by'ubugiraneza i Nyamirambo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
fred 2019-09-11 04:36:40

link yatanzwe ko kwandikamo amafaranga atari USD bitemera? dukeneye uburyo twatangamo imfashanyo yacu.merci

Kwamamaza