IGIHE

Kicukiro: Impanuka y’imodoka yahitanye abantu batatu

3 14-08-2019 - saa 08:49, Thamimu Hakizimana

Abantu batatu bitabye Imana baguye mu mpanuka y’imodoka yo mu bwoko bwa Toyota Hilux bikekwa ko yabuze feri igeze mu Murenge wa Gatenga mu Karere ka Kicukiro.

Ahagana saa sita n’igice zo ku wa Kabiri, tariki ya 13 Kanama 2019, nibwo imodoka yabuze feri, umushoferi wari uyitwaye ayerekeza ahantu hakunze guhagarara abanyonzi n’abamotari agonga abantu batatu bahita bapfa.

Abantu batatu bishwe n’iyi mpanuka barimo abagabo babiri n’umukobwa wacuruzaga Me2U.

Abatuye muri aka gace babwiye IGIHE ko aho iyi modoka yagongeye abantu hakunze kubera impanuka.

Bizumuremyi Innocent yagize ati “Ntabwo ari ubwa mbere hano habereye impanuka, inshuro nyinshi bahagongera abantu.”

Yongeyeho ko umushoferi wari utwaye iyi modoka na we yakomeretse mu mutwe.

Umunyamabanga Nshingwabikorwa w’Umurenge wa Gatenga, Manevule Emmanuel, yabwiye IGIHE ko iyi mpanuka yatewe n’uko iyo modoka yabuze feri.

Yagize ati “Abantu batatu ni bo yagonze barapfa. Impanuka yatewe n’uko imodoka yacitse feri noneho umushoferi aragenda ari kurwana nayo ayiparika ahantu hakunze guhagarara abamotari n’abanyonzi.”

Imodoka yakoze impanuka yanagonze igikuta cy’inzu iri munsi y’umuhanda mu gihe umushoferi we yahise ajyanwa kwa muganga ngo avurwe ibikomere.

Imodoka yakoze impanuka yahitanye abantu batatu, inagonga inzu y'umuturage mu Gatenga mu Karere ka Kicukiro
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
samwel ukwishatse 2019-08-15 04:54:05

imana ibacyire mubayo

2
Flavien 2019-08-14 07:35:55

Imana ibakire kdi ikomeze abasigaye.

3
NSANZISY 2019-08-14 04:02:21

Imana ibahe iruhuko ridashira.

Kwamamaza